ВМРО-ДПМНЕ

Стоилковски: Зоран Заев повторно се впушта во историски договори

Заев зошто молчиш со денови и не кажуваш, кој е твојот став за Гоце Делчев и за македонскиот јазик? Ајде Заев охрабри се и не се плаши, кажи го твојот став  Македонија да го слушне, го повика денеска премиерот, Наум Стоилковски, портпарол на ВМРО-ДПМНЕ.

„Нели сите проблеми со соседите беа решени? Нели немаше веќе отворени прашања со соседите? Нели договорот што го потпиша со Бугарија беше гарант за нашата европска иднина? Од каде сега нови декларации и анекси на договорот? Се што кажа Зоран Заев пред три години кога го потпишуваше договорот со Бугарија беше лага и дел од една фаза на систематско рушење на нацијата.

Вчерашната изјава дека е можна нова декларација која што ќе биде дополнување на договорот е разградување на нацијата и историјата на државата. Наместо раст и развој. Зоран Заев повторно се впушта во историски договори, кои немаат никаков ефект врз суштински развој на државата. Наместо да се насочи кон унапредување на соработката и економски развој ние сме заглавени во теми за кои не треба да се преговара и кои се дел од македонската национална гордост.

Гоце е црвената линија на македонското национално достоинство и за него не смее да има преговарање, исто така и за македонскиот јазик, за кој што Заев тврдеше дека е загарантиран со договорот кој го потпиша со Грција.

Очигледно e се што кажа Заев е лага и на секој нови преговори, тој руши дел по дел од македонското ткиво.

Заев треба да знае дека се што ќе потпише, а ќе значи продажба на Гоце Делчев и на македонскиот јазик, ќе биде поништено од владата на ВМРО-ДПМНЕ и ние таков договор нема да почитуваме“, изјави Стоилковски.

Во однос на предлогот на Левица за собраниска декларација за односите со Бугарија, Стоилковски вели дека претседателот на ВМРО-ДПМНЕ Христијан Мицкоски уште пред една година побара да се донесе резолуција во Собранието за заштита на македонскиот јазик и историјата, тоа тогаш не беше прифатено. Во мај годинава, на средба од ист формат, кај Стево Пендаровски, Зоран Заев кажа дека нема потреба од резолуции и други одговори и договори и анекси кон бугарската резолуција од собранието, затоа што македонскиот јазик и идентитет се потврдени. Сега гледаме дека Зоран Заев најавува носење на дополнителни декларации, а тоа што според Зоран Заев беше затворено, сега е камен на сопнување на македонските евроинтеграции, рече Стоилковски.

Релевантните институции покажуваат неподготвеност да го спроведат долгоочекуваниот попис.

повеќе

Економската стратегија има за цел да се реализираат можностите на дигиталната трансформација, да се зајакне соработката во областа на климатските промени, енергетскиот сектор, човечкиот развој и безбедноста на храната.

повеќе

Во време кога турската лира е во историски пад, Турција мора да надмине бројни предизвици за целосно да закрепне од кризата.

повеќе