Стоилковски: Професионални војници се вработуваат преку СДСМ, срам за АРМ и НАТО

Каков дебакл за СДС, партија која што ја води дезертер, повикува граѓани да се вработат како професионални војници, преку партиски штабови, со пријава кај партиски функционери. Пред само еден час, на фејсбук страницата на СДС Арачиново е објавено известување до членовите на тој огранок, со повик сите кои се јавиле на огласот за прием на војници во АРМ да се пријават кај претседателот на огранокот и раководството на истиот, изјави вечерва пред штабот на СДСМ Наум Стоилковски, портпарол на ВМРО-ДПМНЕ.

„Ова е дебакл и срам за Армијата. Ова е срам за НАТО. Ја повикуваме Славјанка Петровска веднаш да поднесе оставка. Петровска ја посрамоти и АРМ и НАТО. Но, ова е и работа која не може да помине без знаење на дезертерот Ковачевски и неговиот калфа Миле Зечевиќ. Тие се директно одговорни, бидејќи партиските претседатели одговараат директно пред нив.

Дезертерот Ковачевски, калфата Зечевиќ и Славјанка Петровска директно го загрозуваат НАТО, колективната безбедност и кредибилитетот на Алијансата. Ова е срам за Владата, срам за АРМ. Потребни се оставки веднаш.

СДС ги користи партиските ограноци како центри за вработување и центри за регрутација на војска, а вработување добиваат само партиски подобните, не квалитетните, туку тие кои ќе добијат дозвола од партискиот претседател и локалното раководство на СДС.

Ова е доказ дека пред кандидатот за кое било работно место да отиде на интервју, тој треба да отиде во партискиот огранок на СДС. Ова е доказ како функционира власта. Ова е доказ дека институциите се заробени и дека не постои мерит систем, туку партократија. Вработување добиваат само тие што ќе бидат одобрени од ограноците од штабот на СДС. Ова е причината и зошто за 8 години Македонија ја напуштиле над 700.000 млади луѓе.

Македонија не може да продолжи со СДС. Со СДС имаме само криминал, корупција, и вработување по партиски клуч. Потребни се предвремени избори час поскоро. Вработување по партиски клуч со препорака од партиски штаб и пријава кај претседател на партиски огранок на СДС мора да стане минато. Избори веднаш“, изјави Стоилковски.

Самата идеја на странските директни инвестиции е да донесе нови вработувања со повисоки плати кои треба да ги исплаќа странскиот инвеститор.

повеќе

Треба да се размисли за тоа дека сите предлози и промени кои доаѓаат од Брисел, не можат ефикасно да се применат и во Македонија и да се дејствува во правец на благосостојба на граѓаните, а не само на профитите.

повеќе

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе