ВМРО-ДПМНЕ

Стоилковски: Филипче потпишувал тендери со Филипов, а потоа заедно инвестирале во плацеви на Водно

Скандалот „Шпанско Село 2" во режија на министерот Венко Филипче се уште останува без одговори. Иако Министерството за здравство наместо министерот тврдеше дека се работи за лага, сега ниту министерството, а ниту пак министерот немаат одговор како тоа семејството на министерот Филипче, односно најблиското семејство на неговата сопруга има заеднички имот и инвестиции со човек чија што фирма од Министерството за здравство и сите институции под ова министерство има добиено тендери вредни над седум милиони евра, вели во денешната изјава Наум Стоилковски, портпарол на ВМРО-ДПМНЕ.

„Филипче не одговара и зошто неговото министерство лажно тврди дека имотот во сосопствеништво и во партнерски однос меѓу семејството на сопругата и добитникот на тендерите од здравството, е земјоделско, а не градежно земјиште. Уште повеќе што тврди дека се гради, значи е градежно земјиште. Згора на сѐ, семејството и добитникот на тендерите заедно финансирале во изработката на урбанистички план за објекти за времено сместување.

Значи, познатата 'касарна' на Филипче не е семејна куќа, туку според планот за градба е само еден од петте објекти за времено сместување, согласно урбанистичкиот план со ознака А4!

Филипче не одговара зошто премолчи дека негов соработник и близок колега, директор на клиника, има ист таков партнерски однос со добитникот на тендерите во здравството, и притоа е потписник на половина од парите добиени на тие тендери.

Филипче не одговара ниту за тоа како е можно, неговото семејство, односно најблиското семејство на сопругата да има заеднички имот и со добитникот на тендерите Горан Филипов и со нему близок соработник, директор на клиника кој што исто така е потписник на дел од тендерите.

Откако Венко Филипче е министер за здравство, компанијата на сосопственикот на плацевите од „Шпанско sело 2“, Горан Филипов, со поширокото семејство на Венко Филипче, како и со соработник на Венко Филипче, има добиено тендери тешки 426.388.279 денари од тендери. Или, 6.933.143 евра. Од нив лично Филипче има потпишано тендер во износ од 34.229.676 денари или 556.580 евра.

Директорот на Трауматологија, oртопедија, aнестезија, реанимација, интензивно лекување и ургентен центар, скратено ТОАРИЛУЦ, Илир Хасани, близок соработник на Венко Филипче, сосопственик на плацеви со семејството на Филипче и со добитникот на тендерите, само тој има потпишано 230.848.442 денари односно 3.753.633 евра.

Вкупно, со министерувањето на Филипче и директорувањето на Хасани, партнерите на Горан Филипов во инвестициите во „Шпанско село 2“, одлеале 7,8 милиони евра преку тендери!

Последниот тендер доделен од Илир Хасани е 'тежок' над 1,7 милиони евра. Лани на 8 март Филипче потпиша тендер вреден над половина милион евра, наменет за истиот, сосопстеник на плацевите во „Шпанско село“.

Внимавајте, „Шпанско село 2“ е проект на семејството на сопругата на Венко Филипче, кој што се реализира за време на неговото министерување. На падините на Водно се градат објекти за времено домување, кои што се маскирани, за сега неуспешно, во градба наводна на семејна куќа. Партнерот, соинвеститорот, сосопственикот на плацевите во „Шпанско село 2“ е добитник на речиси 8 милиони евра од тендери во здравството. Хибридниот режим повторно е фатен во корупциски скандал, и упорно се труди прво со закани, а потоа и со премолчување да го сокрие. Но одговори мора да има: Како со административна плата се доаѓа до над 15.500 метри квадратни имот на Водно? Што тоа планирал Филипче да изгради и на какви бизнис зделки размислувал за време на министерувањето наместо да изгради да речеме државна болница или пак Клиничкиот центар? Ќе се заинтересираат ли конечно институциите задолжени за борба со корупцијата дека овие тендери доделени во здравството се плод, резултат на конфликт на интереси? Дали градежната намена од А4 која што опфаќа и старечки домови не било и тема на состанокот помеѓу Венко Филипче со Боки 13?       И уште еднаш ќе го повторам прашањето: Дали можеби има уште некој друг близок на Венко Филипче со имот во непосредна близина на „Шпанско село 2“, во Нерези, Скопско Нерези на падините на планината Водно“, праша Стоилковски.

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе