Стејт департментот извести за високото ниво на корупција во Македонија

Закони има, ама власта гони само критичари и престапници од ситен калибар. Има сериозни наводи за корупција во власта и судир на интереси, пишува во вчера објавениот извештај за инвестициската клима во Македонија на Стејт департментот.

„Иако законската рамка главно соодветствува на меѓународните стандарди, корупцијата е постојано прашање… Владата генерално ги спроведува законите, но има многу навестувања дека некои функционери се вмешани во коруптивни активности. Транспаренси интернешнл ја рангираше Македонија на 111-то место од 180 држави во својот извештај за перцепција за корупцијата за 2020 година, што е пет места полошо во однос на претходната година, и 13 во однос на 2018“, пишува во извештајот.

Во поглавјето за корупција пишува дека има закони за борба против корупцијата, но слабо се применуваат и со нив селективно се гонат критичари на власта и ситни прекршители. Има сериозни обвинувања за корупција во судството и во многу други сектори, пишува во извештајот, а Државната комисија за спречување на корупцијата е истакната како ретко која државна институција која отвори низа случаи поврзани со корупција кои се однесуваат на високи функционери од сите делови на политичкиот спектар, обвинети за непотизам и судир на интереси.

Во извештајот пишува за „отсуство на владини мерки за борба против корупцијата и против конфликтот на интерес во јавната администрација“, за „чести обвинувања за непотизам во доделувањето на јавните тендери“ и за тоа дека власта не обезбедила заштита на невладините организации кои ги истражуваат случаите на корупција.

„Многу компании кои работат во Македонија, вклучително и американски компании, ја посочуваат корупцијата како проблем во доделувањето на јавни тендери и во правосудството“.

„Законите не секогаш се подготвуваат врз основа на познавање или проценки, а понекогаш се носат во Собранието со користење на скратената процедура. По изгласувањето, отсуствува спроведување на законите и регулативите и нивна еднаква примена кон сите страни што може да биде проблем за компаниите и за граѓаните“, се вели во извештајот на Стејт департментот.

Размислуваме како можеме да ја заштедиме и заштитиме водата, но само додека немаме вода!

повеќе

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе