Судовите решија

Според регистарот нов поглавар на ИВЗ е Скендер Бузаку, а во канцеларијата на реисот влезен е Сулејман Реџепи

Во единствениот судски регистар на цркви, верски заедници и религиозни групи од денеска како нов поглавар на Исламската верска заедница е запишан Скендер еф. Бузаку од Скопје, Средно Коњари. Досегашниот поглавар Сулејман Реџепи денеска влезе во канцеларијата на ИВЗ на улицата „Чаирска" број 52. Тензиите меѓу приврзаниците на Реџепи и неговите противници продолжуваат.

Однесувањето, неговите постапки, изјави, непотизам, сомневање за криминал, говорот на омраза на поглаварот на ИВЗ Сулејман Реџепи го привлекува вниманите на јавноста, а и на одредени надлежни државни институции. Од Финансиска полиција велат дека по вчерашната пријава денеска ќе решат како ќе постапуваат.

Вчерашното објавување на судското решение за промена на реисот на ИВЗ уште повеќе ги разбрануваа страстите меѓу верниците.

Актуелниот поглавар на ИВЗ Реџепи утрово дојде во седиштето, но не сакаше да коментира ништо во врска со преземањето на ИВЗ од страна на Скендер Бузаку. Во ИВЗ утрово дојде и Киро Стојанов, бискуп на Скопската бискупија на Католичката црква.

Вчера пред ИВЗ имаше зголеменото полициско присуство. Бузаку тврди дека за ваквата смена постои и судска одлука и дека законот треба да се почитува.

Реџепи за сѐ ја обвини Комисијата за односи со верските заедници и религиозни групи и рече дека никогаш нема да го признае директорот на комисијата, Даријан Сотировски. На ова реагираше и Сотировски.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе