Избори кај социјалдемократите

Спасовски во кампања за кандидатот Ковачевски за лидер на СДСМ

Идниот претседател на СДСМ е мојот сограѓанин Димитар Ковачевски, и оттука, од мое Куманово упатувам силна порака – убеден сум дека одговорно и посветено ќе ја води партијата и со новото раководство ќе го осигура континуитетот на успешните политики и ќе продолжи да го гради општеството со социјалдемократски вредности, едно општество за сите наши граѓани, затоа што СДСМ постои за граѓаните и работи пред сè за доброто на општеството. Ова вечерва гна својот фејсбук-профил го напиша Оливер Спасовски, актуелен потпретседател на СДСМ и министер за внатрешни работи.

Ковачевски е кандидат за претседател на СДСМ на партиските избори закажани за 12 декември.

Во повикот до членството да гласа за Ковачевски за нов партиски лидер, Спасовски му порачува на кандидатот „да биде најмалку како што бил Зоран Заев во Куманово“.

Спасовски вечерва во Куманово отворено го повика партиското членство да гласаат за него.

Вчера и Зоран Заев, претседателот на СДСМ кој даде оставка и од премиерската и од партиската функција, јавно му даде поддршка на Ковачевски.

На 12 декември членството на СДСМ на непосредни избори ќе гласа за нов партиски лидер. Покрај Ковачевски, кандидати се и поранешната пратеничка и потпретседателка на СДСМ, Фросина Ременски и актуелниот в.д. директор на ТИРЗ, Јован Деспотовски.

Денеска партиската изборна комисија соопшти дека со жрепка е одреден и редоследот на кандидатите на гласачкото ливче – Ковачевски ќе биде под број 1, Ременски 2 и Деспотовски 3.

 

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе