Спасовски: Секој што направил прекршок ќе одговара, сеедно дали е министер, директор или обичен граѓанин

Шпекулации се дека синот на заменик-министерот за внатрешни работи Назим Буши бил вмешан во кражба на масло од канабис од фабриката „5 Леттерс" а секој кој направил прекршок мора да сноси одговорност, сеедно дали станува збор за министер, директор или обичен граѓанин, изјави денеска министерот за внатрешни работи Оливер Спасовски, одговарајќи на новинарско прашање пред почетокот на конференцијата „Безбедност на патиштата, предизвици и мерки за безбедни патишта".

„Ова е прашање коешто не се заснова на ниту еден факт и мислам дека е најдобро да ги чуете, да ги дочекаме сите аргументите и фактите коишто се однесуваат на целиот овој процес и тие аргументи и факти да ги пласираме во јавноста. Ние во текот на денот ќе излеземе со конкретна информација за овој случај и ќе ги знаеме сите податоци и факти. Тие факти и податоци не соодветствуваат со вашите факти и шпекулации. Многу работи што ги кажавте се шпекулации, нагласи Спасовски, одговарајќи на прашањето колку синот на Буши е опфатен со истрагата за кражбата на маслото од канабис со оглед на тоа што неговиот автомобил бил фотографиран дента кога се случила кражбата во „5 Леттерс", рече министерот Спасовски.