Министерот по повод Денот на полицијата

Спасовски до полицајците: Храброста започнува со облекувањето на униформата

Денот на полицијата претставува симбол на пожртвуваноста, одговорноста, храброста, моралот – карактеристики што треба да ги развива секој поединец кој положил заклетва пред сината униформа, порачува министерот за внатрешни работи Оливер Спасовски, во честитката до полициски службеници, вработени во МВР, по повод 7 Мај-Денот на полицијата.

Пожртвуваност, вели Спасовски во честитката, затоа што полициските службеници се обврзуваат да ги ставаат безбедноста и благосостојбата на другите пред сопствените, затоа што секогаш треба да се во првите редови за подобар, посигурен и побезбеден живот на сите граѓаните на РСМ, чувари на јавниот ред и мир и градењето на државата.

„Особено во текот на изминатава година, ситуацијата дополнително беше комплицирана поради пандемијата со која се соочи светот, па должноста за заштита на здравјето, животот и имотот на нашите граѓани стана непроменлив указ за полициските службеници“, порачува Спасовски.

Одговорност, нагласува Спасовски, затоа што во ваши раце се неселективната борба против криминалот и корупцијата и бескомпромисното владеење на законите.

„Нашата заедничка цел е нулта толеранција за корупцијата, нулта толеранција за сите кои ќе го прекршат законот, без исклучок! А јас цврсто верувам дека нашата цел е на дофат на раката со воспоставување на концептот на партнерство помеѓу граѓаните и полицијата. Оваа меѓусебна врска ќе стане уште посилна со континуирано зајакнување системот на соработка со граѓаните, со цел идентификување, демистифицирање и спречување, односно превенирање на криминогените појави на кои не може да остане имун современиот свет“, вели Спасовски во честитката по повод Денот на полицијата.

А кога сме кај храброста, посочува Спасовски, уште кога ја облековте оваа униформа, со првите ризични ситуации со кои се соочивте, бевте свесни дека ништо нема да сторите без оваа доблест, исто како што знаевте дека храброста, покрај чесноста, е најголемиот квалитет на умот.

„На овој посебен ден не може да не помислиме на оние наши колеги, на оние храбри срца што ги нема денеска во нашите редови – нивната храброст и нивната жртва никогаш нема да бидат заборавени, а она што ни го оставија во наследство и споменот за нив, претставуваат инспирација за секој граѓанин, за нашите млади колеги кои за првпат ќе ја облечат работната униформа, инспирација за иднината на нашата земја – за нашите деца“, вели Спасовски во честитката.

И конечно, нагласува Спасовски – моралот, затоа што да се биде полицаец е да се обавува високоморална професија.

„Вие сте првиот пријател кој е најбаран во незгода или во тешка ситуација, вие сте тие кои создаваат чувство на доверба, на сигурност кај граѓанинот, заштитници на нивните права, интереси и слободи. Тоа ви ја дава моќта, но од вас бара со беспрекорна присебност понекогаш и да се надминете себеси. Токму тоа е причината што имаме толку високи барања кон работата на секој одделен полициски службеник, што инсистираме на одржување на дисциплината и на вашата подготвеност на високо ниво“, вели Спасовски во честитката по повод Денот на полицијата.

Ефикасноста на вашата работа, нагласува Спасовски, се мери преку конкретни резултати како што се борбата против криминалот и, во голема мерка, почитта и довербата на граѓаните, како и целокупната атмосфера во нашата земја.

„Кога сме кај борбата со криминалитетот со гордост можам да кажам дека во речиси сите сегменти е очигледно подобрување на резултатите, а евидентно е и генерално намалување на криминалитетот. За споредба, во периодот од 1 јануари 2021 до 15 април 2021 година кривичните дела бележат тренд на намалување за 9,5% во споредба со истиот период минатата година. Организациските единици во Бирото за јавна безбедност активно постапуваат по седум оперативни акции и резултатите се видливи. А ваквите резултати влијаат и врз зголемување на довербата од страна на граѓаните кои отсекогаш знаеле да ценат чесна, несебична работа и беспрекорно извршување на должностите, со што го градите и имиџот на полицијата, воопшто“, посочува во честитаката Спасовски.

Огромно е задоволството, вели Спасовски во честитката, што во последните години одново успеавме да ја воспоставиме таа традиција на обезбедување на почит кон секој таков поединец кој придонесува за градење на нашето демократско општество со европски стандарди во полицијата, а МВР како силна институција која го гарантира редот, безбедноста и владеењето на законите и претставува квалитетен сервис во интерес на сите наши граѓани.

„Свесен сум дека само ефикасна, силна и задоволна полиција, која работи со полн капацитет и легитимитет, испорачува резултати во активностите за справување со криминалот. Затоа и се заложив за севкупно подобрување на професионалните услови за работа и подигање на социјалниот статус на полициските службеници. Горд сум што за период од три и пол години реконструиравме 55 објекти, кои сега имаат додадена вредност бидејќи се енергетски ефикасни, а овие две недели пристигаат и комплет униформи за неколку полициски единици. Набавивме пловни објекти, мотоциклистичка опрема, а за обнова на униформи и опрема во буџетот за оваа година имаме обезбедено близу половина милијарда денари, што е еден од највисоките износи во историјата на министерството. Обезбедивме и средства за исплата на бонус плата на вработените во МВР за оствaрени над 150 часа прекувремена работа на годишно ниво во текот на 2020, кои ќе бидат исплатени во јуни, а веќе ги исплативме бонус платите за 2017 и 2018 година“, вели Спасовски во честитката до полицијата.

Продолжуваме, нагласува Спасовски, со силна мотивираност да ги градиме севкупните капацитети на оваа наша институција, со цел уште подобри резултати во работењето, во полза на сите граѓани.

И премиерот Зоран Заев го честиташе Денот на полицијата порачувајќи дека да се биде заштитник и пријател на граѓаните е голема обврска, но и огромна чест која им е доверена на полициските службеници.

„Во период кога се справуваме со сериозна закана од глобалната пандемија, од самиот почеток на оваа здравствена криза полицајците се во првите редови во борбата против коронавирусот. После сите премрежија и предизвици со кои се соочија службите во Министерството за внатрешни работи, денес може слободно да кажеме дека успеавме да ја вратиме основната функција на оваа служба-еден од столбовите кој ја гарантира државноста, основа на безбедноста и во исто време полиција -пријател и заштитник на граѓаните“, пишува Заев во честитката по повод 7 Мај. 

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе

Енергетската сиромаштија е значително поприсутна во централна, источна и југоисточна Европа, покажува последното истражување.

повеќе