Спасовски: Антикорупциска да ги истражи обвинувањата од ВМРО-ДПМНЕ против мене

Министерот за внатрешни работи Оливер Спасовски денеска до Државната комисија за спречување корупција поднесе барање да се испита комплетно целиот случај во врска со негова наводна инволвираност во инвестиција на компанија во Куманово за што го обвинува опозициската ВМРО-ДПМНЕ, а што тој веќе ги демантираше.

Според него, целта на изнесените дезинформации, лаги и невистини од страна на политичката партија ВМРО-ДПМНЕ, е да се дискредитира неговата личност за наводно учество во отворање на некаков бизнис во Куманово, нова инвестиција во компанијата „Пинк петрол“.

„Јас одговорно сакам да кажам дека тоа се апсолутно лаги и дезинформации, кои ги демантирав уште првиот ден. Ниту јас, ниту член на моето семејство нема удел во таа или во која било друга компанија ниту во државата, ниту надвор од државата, ниту денеска, ниту во минатото, апсолутно во ниту еден момент. И додека ВМРО-ДПМНЕ, партијата која што ја уништуваше Македонија 11 години повикува да се поведе постапка пред Антикорупциска комисија, јас не повикувам, еве дојдов денеска сам и доставив допис со барање да се испита комплетно целиот овој случај на инволивраност, мојата состојба, потекло на имотот на мене, на моето семејство и да се утврдат аргументите и фактите поради тоа што не смее да се дозволи да се манипулира со јавноста и на еден ваков начин да се врши дискредитација на одредена личност“, рече Спасовски.

Тој смета дека ова не може да биде стандард ниту во државата, ниту во политиката, и оти со неговиот чин сака да биде поттик за секој еден да излезе и да ја бара правдата, да можеме, вели, сите заедно да придонесеме кон функционирање на правдата.

Министерот изрази очекување дека Комисијата за антикорупцијата ќе го расчисти целиот случај.

На новинарско прашање појасни дека лицето со кое се поврзувал во овој случај, а е син на сопственикот на компанијата, е вработено во МВР, но не е негов советник и не работи во неговиот кабинет.

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе