Извештај

Совет на Европа: Локалните самоуправи во Македонија треба соодветно да се финансираат

Во Македонија има политичка заложба за децентрализација, но неопходна e поголема јасност и во законот и во пракса со цел натамошно подобрување на реформата за децентрализација во земјата, пишува во препораката што ја усвои денеска Конгресот на локални и регионални власти на Советот на Европа.

Корепортерите Харалд Бергман од Холандија и Зденек Броз од Чешка ги поздравија тие заложби на владата во Скопје, со усвојување на новата програма за одржлив локален развој и децентрализација 2021-2026.

„Сепак, има постојано недоволна јасност и во законот и во пракса што се однесува до поделбата на компетенции, што води кон нивно преклопување“, забележува Бергман.

Според него, на локалните власти им требаат адекватни финансиски извори за извршување на работите, со оглед дека општините и натаму се многу зависни од парите што ги добиваат од владата.

Во своите препораки Конгресот ги повикува властите да се посветат на постојните проблеми и натамошно пренесување на овластувањата на локалната самоуправа.

„На крајот неопходно е адекватно финансирање, а владата на Северна Македонија да ги зголеми уделот на општините во приходите на локалниот буџет“, пишува во препораката.

Исто така, Владата се охрабрува да ја подобри дигитализацијата и антикорупциските мерки и да спроведе програми за подобрување на капацитетите на локално ниво.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе