Реакција по интервјуто на премиерот за бугарска агенција

Советот на амбасадори очекува поголема одговорност од државните функционери

Во својата прва реакција по интервјуто на премиерот Зоран Заев за бугарската агенција БГНЕС, Советот на амбасадори оценува дека односите помеѓу Македонија и Бугарија повторно се наоѓаат во деликатна фаза и дека последиците за Софија и Скопје можат да бидат сериозни. Советот смета дека историската наука го дала својот збор за периодот од 1941-1945 година, дека историските настани не треба и не може да се прекројуваат, но  и дека иднината на која и да е земја не смее да се попречува.

Најновите случувања во македонско-бугарските односи, искажаните официјални ставови и реакциите на двете страни ги потврдуваат претходните проценки на Советот на амбасадори дека односите меѓу двете соседни земји повторно се наоѓаат во деликатна фаза, соопшти Советот на амбасадори во својата реакција за последните состојби во македонско - бугарските односи.

Внатрешно-политичките, регионалните и пошироките меѓународни последици со евентуален континуитет на затегнати односи, и за Скопје и за Софија, можат да бидат мошне сериозни! 

„Советот на амбасадори на Република Северна Македонија влогот се европската перспектива и динамизирањето на домашните повеќеслојни реформски процеси, без кои не можеме да се доближиме до нивото на високите стандарди и критериуми на Европската Унија и на другите развиени демократски општества во светот“, се вели во соопштението на Советот.

Советот на амбасадори нагласува дека е „свесен  ако, историјата, во одредени фази разделува, иднината мора да обединува, да нѐ прави, нас соседите, посилни, солидарни и што е најважно, подобри за сопствените граѓани!

Советот нагласува дека историската наука го дала својот збор за состојбите во Македонија од 1941 -1944 година.Тргнувајќи од тоа и потпирајќи се на несоборливите факти, политиката би требала да се бави само со сегашноста и иднината.Секоја интервенција на минатото може да биде погубна и погрешно да се истолкува со несогледливи последици.

Советот на амбасадори очекува многу поголемо внимание во јавната комуникација од носителите на највисоките и најодговорните државни и политички функции во двете земји и високо познавање и одговорност во јавните настапи за историските процеси и архивските документи, во што гледаме перспективи за соработка во рамките на големото, развиено и демократско семејство на членките на ЕУ. Во овој контекст уште еднаш нагласуваме дека историските настани не треба и не може да се прекројуваат, а иднината на која и да е земја, за која нејзините граѓани плебисцитарно се определиле, не смее да се попречува!

Советот на амбасадори верува дека нашиот источен сосед ке ја препознае неминовноста, декларациите, меморандумите и другите документи, да се трансформираат низ постапка со многу посилно изразена политичка волја за солидарност и отворена поддршка на европските перспективи на Република Северна Македонија. Тоа е заеднички интерес и императив за побрз напредок на регионот кон безбеден и стабилен амбиент.

Советот на амбасадори оценува дека гаранција за стабилен и безбеден амбиент на регионот ќе претставува суштинската поддршка на Република Северна Македонија од страна на сите земји членки на ЕУ, којашто ќе резултира со одржување на меѓувладината седница ЕУ-МК до крајот на оваа година, со што ќе биде означен почеток на преговорите за наше полноправно членство.

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе

Турската влада има нови барања од социјалните медиуми и дигиталните платформи како што се Фејсбук (Facebook), Ватсап (Whatsapp), Инстаграм (Instagram) и Твитер (Twitter). 

повеќе