Прес-конференција на Алијанса за Албанците

Собранието за Џафери е како локална меана, смета пратеничката Даути

Продолжуваат препукувањата меѓу Алијанса за Албанците и претседателот на Собранието на Македонија Талат Џафери по откажувањето на седницата на Анкетната комоисија за правата и слободите на граѓаните, на која на дневен ред беше побарано да се стават трагедиите со пожарот во модуларната болница во Тетово и автобуската несреќа што се случи во Бугарија, во кои изгореа 60 луѓе. Пратеничката Илире Даути рече дека Џафери се однесува како парламентот да е негова селска меана.

Даути рече дека Џафери, обидувајќи се да му одговори на пратеникот од нејзината партија Халил Снопче, само потврдил дека извршил попречување, односно откажувајќи го состанокот во Анкетната комисија за заштита на слободите и правата на граѓанинот.

„Освен тоа, Џафери со изјавата откри уште нешто - клевета дека Снопче го обвинил дека тој некого штити. Но, потенцираме, Снопче не изјави такво нешто. Една народна поговорка вели 'не прашувај, самиот ќе си каже'. Бидејќи Џафери самиот ја отвори темата, цениме дека особено семејствата на десетиците починати луѓе заслужуваат да ја дознаат вистината - кого всушност крие и штити Талат Џафери“, рече Даути.

Таа нагласи дека Џафери барал пет дена однапред за процедурите, иако, како што додаде, токму Џафери е тој што седници закажува од денес за утре.

„Го прашуваме спикерот Џафери, зошто ниту тој, а ниту пак генералниот секретар, според процедурата, не одговорија на писменото барање на претседателот на Анкетната комисија Снопче? Бидејќи тој одлучи да го игнорира Снопче и бидејќи немаше можност со Џафери да се комуницира, дури отпосле беше закажан состанокот. Но, Џафери изјави и уште нешто, што е многу смешно, дека тој наводно не дозволува Собранието да се претвори во политички пазар. Па, целата јавност многу добро знае колку пати токму Талат Џафери оваа институција ја има претворено не само во пазар, туку и во политичко - селска  меана“, рече Даути.

Според пратеничката, за првпат во Собранието се случува неговиот претседател да откаже ваков состанок, а притоа да каже дека бил Уставот прекршен, без да се слушне во што се состои прекршувањето.

Даути оцени дека кулминација на скандалозните изјави на Џафери се и заканите кон Мухаедин Бела дека тој може да си го загуби работното место во Армијата, иако тој користи парламентарен механизам во контекст на слободите и правата на секој  граѓанин.

„Доста веќе со банални образложувања дека опозицијата ги политизира случаите и доста со закани кон граѓаните!  Опозицијата и граѓаните бараат правда и ја бараат вистината. Политизацијата на институциите доведе до многу неправедности, десетици, стотици жртви, амнестии, прикривање и простување на криминалци“, рече на крајот од прес-конференцијата пратеничката Илире Даути.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе