Со свеченост во Делчево одбележан Денот на македонската полиција

Со пригодна свеченост во Делчево, во присуство на државниот врв, дипломатскиот кор, локалната самоуправа, раководството на Министерството за внатрешни работи и гости, се одржа централната прослава за одбележување на 7 Мај – Денот на македонската полиција.

Министерот за внатрешни работи Оливер Спасовски во обраќањето пред присутните, честитајќи го празникот на полицијата, рече дека да се биде полицаец, припадник на МВР е голема чест и огромна одговорност, но и дека доаѓаат времиња во кои просто се очекува од секој припадник на полицијата таа чест и одговорност да ја покажат и докажат повеќе од кога било.

„Ние денес живееме токму во такво време, време кое што од нас бара да бидеме вистински и доследни чувари на законитоста, на редот и поредокот, на сигурноста и безбедноста на секој наш граѓанин. Тргнувајќи од фундаменталната премиса на секое демократско општество – дека институциите постојат само и единствено во интерес на граѓаните, независно на нивните лични определби, размислувања, ставови, ние воспоставивме нови и модерни стандарди кои што целосно ќе ја реализираат клучната позиција на институцијата, а тоа е полиција – сервис на граѓаните на Република Северна Македонија“, рече Спасовски.

Тој додаде дека следејќи го доследно пулсот на времето, на регионалните и глобалните политички и безбедносни трендови, но и потребите и очекувањата на граѓаните, од сегашна преспектива можеме слободно да заклучиме дека Министерството за внатрешни работи, сите негови организациони единици во доменот на своето работење веќе се етаблираат не само како сервис и партнер на граѓаните, туку и како респектабилен партнер на надворешен план, активно ангажирани во мноштво регионални и други меѓународни иницијативи, асоцијации и проекти во речиси сите области од безбедносната сфера.
За тековните и претстојните предизвици Спасовски рече дека за многу кусо време, постигнавме значителен напредок, и сето тоа, благодарение на сите општествени чинители.

„Резултатите покажуваат дека нашите напори во сите сфери, вклучително и во зајакнатата борба против организираниот криминал, корупцијата, безбедносните реформи, се евидентни. И среќен сум што стратешката определба на земјата за членство во Европската Унија е приоритет број еден - и тука нема компромиси. Би сакал да верувам дека час поскоро и ние ќе бидеме приоритет за европското семејство, бидејќи Европа ни го должи тоа. Ние, пак, тоа им го должиме на идните поколенија, но и на нашите предци. На херојот чие име го носи градот-домаќин на денешната свеченост, Гоце Делчев, симболот на македонскиот непокор, по убедување социјалдемократ, по дела револуционер и визионер, како и на неговите соборци. Но, и на учесниците во НОБ, на нашите борци благодарение на кои нашата земја даде огромен придонес во победата над фашизмот во Втората светска војна и го дочекавме сопственото ослободување“, изјави Спасовски.
На прославата се обрати и претседателот на Собранието, Талат Џафери, кој на припадниците на МВР им порача да бидат „првата врата на која што ќе тропнат граѓаните, првиот број на кој што ќе се јават секогаш кога ќе се чувствуваат беспомошни, обесправени, загрозени или пак заплашени по својот сопствен живот, животот на најмилите, по својот имот и сопственост“.

„Да тропнат, затоа што ви веруваат, затоа што сте дел од нив и затоа што се безбедни сѐ додека вие сте тука до нив. Важно е да ја стекнете и одржите високо довербата на граѓаните, важно е да бидете пример за тоа што значи професионален полициски службеник во служба на граѓаните. Длабоко сум убеден дека взаемната доверба, соработката и застанувањето секогаш на вистинската, праведната страна на законот ќе придонесе да имаме побезбедни улици, подемократски и поправедни институции кои по ништо нема да заостануваат зад високо стандардните европски и светски полициски сили. Добро е што постоите, добро е што сте чувари на мирниот сон на нашите деца, внуци и браник пред криминалот, тероризмот и секакво друго современо зло кое демне врз нашиот демократски поредок и лична и колективна безбедност“, рече Џафери.  
На свеченоста беа доделени и плакети за успешно реализирани оперативни акции во МВР, а специјалнa плакетa за посветеност и соработка со МВР во реализирање на целите од  заеднички интерес за граѓаните доби претседателот на Собранието, Џафери, додека на министерот Спасовски, од страна на претседателот на Македонскиот полициски синдикат, Марјан Кицев, му беше врачена плакета за личен придонес во унапредувањето на условите за работа на полицијата и промоција на професионализамот во МВР.
Денеска, во рамки на одбележувањето на Денот на полицијата - 7 Мај, делегации од МВР положија цвеќе на спомен обележјата на загинатите  и починатите припадници на МВР во кругот на Министерството: на споменикот пред зградата на граничната полиција, во полицискиот центар „Ѓорче Петров“, во паркот „Жена“, во базата „Брест“ и  во касарната „Илинден“. Цвеќе положија и претставниците на Здружението на бранителите и семејствата на загинатите припадници на МВР, како и претставниците на  Македонскиот полициски синдикат.

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе

Енергетската криза во светот, но и во Република Македонија (РМ), не стивнува иако сме на почеток на летото кога вообичаено има помала потрошувачка на енергија кај нас. 

повеќе