СДСМ најави амандман за уставното име на текстот од ВМРО-ДПМНЕ

Со резолуцијата за решавање на спорот со Бугарија ќе испратиме порака на единство, вели Заев

Со амандман ќе се интервенира во Предлог-резолуцијата за решавање на прашањето со Бугарија за да стои уставното име на земјата – Република Северна Македонија и за тоа владејачкото мнозинство само ќе обезбеди гласови, најави премиерот Зоран Заев.

Според Заев, тоа што ВМРО-ДПМНЕ ќе се воздржи од гласање по амандманот, е затоа што тие ја прифаќаат реалноста, но уште стојат на ставот за непризнавање на Преспанскиот договор. Сепак, додава дека најважно е резолуцијата да биде донесена и да се испрати порака на единство.

„ВМРО-ДПМНЕ ја прифаќа реалноста, но сѐ уште стои на своите позиции за неприфаќање и непризнавање на Преспанскиот договор, иако гледате дека одговорноста е присутна кај сите, па и кај ВМРО-ДПМНЕ. Тоа што е добро за граѓаните не може да го негирате, треба да го поддржите. Ние имаме општи одредби во резолуцијата кои што без каква било промена на точка или запирка ги поддржуваме, но, истовремено Уставот е реалност и затоа парламентарното мнозинство интервенира со амандман и тоа самото ќе обезбеди гласови“, рече Заев одговарајќи на новинарско прашање што значи најавата на ВМРО-ДПМНЕ дека ќе се воздржи од гласање по амандманот.

Заев ги повика пратениците од Алијанса за Албанците и Алтернатива да го поддржат амандманот, затоа што, како што рече, биле и за промена на Уставот и за Преспанскиот договор заради ЕУ и НАТО интеграциите на земјава. Истовремено тој повика за амандманот да гласа и некој од ВМРО-ДПМНЕ, затоа што, „тоа е реалност во државата“.

„Јас верувам дека тоа ќе им донесе добро и конечно да го направат тој пробив, за нив како политичка партија, но тоа ќе ѝ помогне и на државата да се реалксираат работите токму по ова прашање“, рече Заев.

Според него, исклучително значајно е што парламентарното мнозинство ќе поднесе амандман со кој ќе се вгради уставното име.

„Само така тоа ќе биде уставно исправен документ, а сите заедно ќе ја гласаме резолуцијата со што ќе испратиме порака на единство дека сакаме решение со Бугарија, но и оти знаеме што е дозволиво, а што не“, рече Заев.

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе

Со само 48% вакцинирано население, недозволиви грешки на стручниот штаб за Ковид-19 и масовни протести против вакцинација, очигледно е дека кампањата за вакцинација во Словенија беше навистина неуспешна. 

повеќе