Адеми во Тирана

Со природното и културното наследство на Охридскиот регион ќе управува заедничка комисија на Македонија и Албанија

Формирање на меѓудржавно тело за заедничко управување со природното и културното наследство во Охридскиот регион било договорено во Тирана на средбите на министерот Едмонд Адеми во својство на претседател на Националната Комисија за УНЕСКО, со министрите за култура и за животна средина на Албанија, Елва Маргарити и Бленди Клоси.

Министрите, како што соопшти владината прес-служба, ја реафирмирале одлучноста на двете пријателски, соседни земји да ги исполнат препораките на УНЕСКО со цел долгорочно зачувување на нашето светско наследство. Адеми имал средба и со претставници на Министерството за надворешни работи на која што било заклучено дека следува формалното конситуирање на заедничката комисија.

„Во тој контекст, Северна Македонија и Албанија ја интензивираат соработката на политичко и експертско ниво и заеднички ќе носат одлуки за зачувување на исклучителните универзални вредности на природното и културното наследство во Охридскиот регион“, се наведува во соопштението од Владата.

 

ЕУ, свесна за демократскиот дефицит на земјите од Западниот Балкан (но и останатите, претежно економски проблеми), како да тежнее кон формирање блиски, но и специфични односи со овој регион, без полноправно членство.

повеќе

Нарушени се човековите права и слободи, нема владеење на правото и правосудството, кои треба да бидат основа на процесот.

повеќе

Поентата на глобализмот е максимално економско вмрежување во десетици економски сојузи на секоја држава.

повеќе