Сѐ уште нема препорака за затворање на границата со Србија и Косово, консултациите продолжуваат

Министерот за надворешни работи Никола Димитров денеска изјави дека сѐ уште нема конечна препорака на Комисијата за заразни болести во врска со затворањето на границата со Србија и Косово.

„Има некои комплексни сложени ситуации во смисла на транзит, на ПЦР тестовите, некои информации недостигаат. Ќе биде важно да се продолжи со оваа консултација, бидејќи сите одлуки што ние или кој било во регионот и ЕУ ги носи во однос на границите се пред се водени од здравствен аспект. Нема политика, нема пријателство, главната калкулација е епидемиолошката слика“, рече Димитров одговарајќи на новинарско прашање по претставувањето на идејата за „Преспа форум за дијалог“.

Доколку денеска нема јасна препорака, додаде тој, треба да се продолжи со разговор за да се донесе одлука. Според него, се следи каква е состојбата во сите соседни земји.

Во врска со забраната за македонските граѓани за патување во земјите од ЕУ до исполнување на просекот од 20 нови случаи на 100 илјади жители во последните 14 дена, што би значело дека треба за тој период да има помалку од 400 новозаразени со ковид-19, Димитров рече дека доколку сите се придржуваме кон мерките побрзо ќе стасаме до исполнување на тој услов, које еден од трите, согласно кои ЕУ ја формира „белата“ листа за патување.

„Три клучни критериуми се битни за ЕУ во врска со белата листа за слободно патување. Со тоа што и во ЕУ ситуицијата се менува и не е исклучено да има извесни промени. Ова е еден вид просек иако има големи скокови и падови. Првиот е земјата да е блиску или под дваесет нови случаи регистрирани во поледните 14 дена на 100 илјади. Ако ние сме околу 2 милиони точна е таа калкулција. Вториот е трендот на нови случаи во истиот период во спредба со претходните 14 дена да биде стабилен или опаѓачки. Понатаму се зема предвид колку се тестира, дали само симптоматски или асимптоматски, колку се следат контактите, третманот и веродостојноста на информациите. Во овој контекст мислам дека е важно колку повеќе сите носиме маски, избегнуваме контакти, се дезинфикуваме, толку побарзо ќе дојдеме до овој праг од 400 нови случаи во период на 14“, појасни тој.

 

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе