Претседателски избори 2019

Сиљановска: И на Титаник кога се качиле некои патници од Македонија, ги напишале дека се Македонци

Претседателскиот кандидат на ВМРО-ДПМНЕ, Гордана Силјановска Давкова, вечерва зборуваше на митинг пред струмичани. Струмица, рече, прво ја асоцира на поранешниот претседател Борис Трајковски и на фудбалерот Горан Пандев.

Соработував со него кога се носеше законот за локална самоуправа и за територијаната поделба. И името на Пандев многу значи. Многупати ме направил среќна и горда – рече таа.

Таа ја обвини власта дека не само што го заборава ветеното, политичкото, туку го заборава и минатото.

„Ја заборавија дури и химната, а химна не се заборава, химна секогаш се пее, зошто таму каде што нема химна, нема држава, ама ја нема нивната држава, нашата е со нас и кога ја пееме и кога се радуваме на неа и кога плачеме со неа “ истакна Силјановска.

Зборувајќи за промената на името, таа праша зошто ако може Србија на Србите, Бугарија на Бугарите, Грција на Грците, да не можеме, како што рече, да кажеме Македонија на Македонците.

Силјановска во Струмица рече дека во меѓународното право се споредуваат држава со држава, регион со регион.

„И знам неколку региони во САД кои се викаат Македонија. И на „Титаник" кога се качиле некои патници од Македонија ги напишале дека се Македонци. Кога ќе речете Република Македонија тоа значи држава, а не регион. Тие нека уживаат во нивниот регионален идентитет, а ние државниот. Како може да не е од идентитетот нешто со што сум се родила со што сум се идентификувала “, рече кандидатката за претседател.

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе