Шекеринска за условите од Софија: Сакаме со соседите да бараме решенија, а не игра на уцени, притисоци, кавги

Како Влада покажавме капацитет, трпение и мудрост на одредени прашања да најдеме решение, на некои прашања дури да имаме и различни ставови. Ќе градиме пријателства и ќе се трудиме да ги решаваме проблемите, изјави министерката за одбрана Радмила Шекринска за поддршката од Бугарија за добивање датум за преговори со ЕУ, но со одредени дадени услови.

Според неа, важно е што денеска можеме да кажеме дека сите наши соседи цврсто не поддржале да станеме членка на НАТО и на ЕУ. 

„Тоа не беше лесно и тоа не беше стандард во сите изминати години. На тој начин зрееме и ние како држава, мислам дека зрее по малку и регионот. Така ќе ги решаваме и идните предизвици. Меѓудржавните односи особено помеѓу соседи се секогаш, како викаат, ‘work in progress’, постојано има прашања кои ќе се изнесат на маса и дилемата е само дали ќе се трудите да ги решите или ќе се оддалечите повеќе”, рече Шекеринска.

Нашата држава, како што вели, во историјата платила огромна цена затоа што не била присутна на маса кога за неа се одлучувало. 

„Тоа сакаме да го направиме и во НАТО, тоа сакаме утре да го правиме и во ЕУ. Меѓутоа, првото правило што ќе го научите е дека ако не сте уште на масата не треба да лицитирате што ќе се случи. Ние очекуваме преговарачките рамки да бидат дефинирани согласно европските принципи, согласно европските вредности, а се разбира и согласно со принципот дека со соседите мора да се најдат решенија. Условувањата некогаш се покажуваат како корисен инструмент, некогаш се покажуваат како катастрофа и за регионот и за соседите. Сакаме со нашите соседи да бараме решенија, а не да ја играме играта на уцени, притисоци, кавги и прекинување на разговорот. Така ќе постапиме и во иднина”, изјави Шекеринска.

Ако имаме предвид дека секој збор има свое значење, тогаш оваа „железна завеса" кон Бугарија, за која зборува премиерот дека била подигната од Југославија, се доведува во корелација со Берлинскиот ѕид. А, железната завеса помеѓу двете германии доведе до нивно обединување.

повеќе

Јас, Ангела Илиевска , учесник во повеќе протестни движења низ годините наназад, со себе го носам товарот на мојата личност и идеалите кои ги застапувам низ сите тие движења.

повеќе

Германија не го негира своетo фашистичко минато, ниту дека ја окупирала Франција, па следствено, не се ни менувани ни учебниците во обете земји, ниту се бришани делови од споменични натписи.

повеќе