По донацијата на пушки од страна на САД

Шекеринска: Речиси сите земји од НАТО имаат проблем да обезбедат вакцини

Со исклучок на САД и Обединетото кралство, сите други држави во НАТО се соочуваат со предизвикот како побрзо да обезбедат повеќе вакцини и, во таа смисла, и ние сме дел од светскиот проблем, изјави  министерката за одбрана Радмила Шекеринска по денешната донација на пушки од страна на САД, на новинарското прашање како Македонија дозволи иако е земја членка на НАТО да остане без вакцини. Таа рече дека целта е „час поскоро да се обезбедат функционални вакцини“.

„Не е најлогична врската помеѓу вакцините и НАТО, но се разбира станува збор за прашање коешто има и безбедносни компоненти. И на последниот состанок неколку од земјите се изјаснија дека сите се соочуваме со сериозен недостиг на најважното прашање коешто денеска е во цел свет, а тоа се вакцините. Би рекла со исклучок на САД и Обединетото кралство сите други држави во НАТО се соочуваат со предизвикот како да обезбедат повеќе вакцини и побрзо. И во таа смисла сме дел од светскиот проблем. Особено тешко е за мали држави коишто во моментот кога ќе седнете со производителите се многу мал фактор заради тоа што бројките кои нам ни се потребни се можеби за некоја од големиве држави статистичка грешка, едно маало да го вакцинират, меѓутоа затоа на масата е потешко да седнете дури и ЕУ во преговорите со производителите се соочи со сличен проблем и дури сега гледате дека се прават паралели што е она што функционирало кај поединечните земји, а што не профункционирало во европскиот механизам", рече Шекеринска на новинарско прашање колку е дозволиво една држава членка на НАТО сѐ уште да нема вакцини и по примопредавањето на американска донација од 1.269 автоматски пушки М-4 за потребите на Армијата во касарната во Ѓорче Петров..

Ова е најважно прашање и за сите нас, додаде таа, и нагласи дека целта е набавка на функционална вакцина.

„Целта нѝ е и час поскоро да боезбедиме функционална вакцина. И ќе ги правиме и ќе ги превземеме сите чекори коишто ќе нѐ донесат поблиску до целта. Но велам, се соочуваме со проблем со којшто се соочуваат најголемиот дел и од НАТО земјите членки, а да не зборувам за други земји во светот", рече Шекеринска.

На прашањето што точно ќе се преземе да се реши проблемот со вратениот капар за кинеските вакцини, Шекеринска посочи дека тоа не е во нејзиниот сегмент на работа, но нагласи дека Владата е транспарентна и не ги крие информациите од јавноста и проблемите со коишто се соочуваме.

„Вие ги слушате истите фрустрации, истото незадовлство и истите проблематични чекори кај најголемиот дел од земјите членки на ЕУ, најголемата група на земји која што во принцип се сметаше дека ќе го диктира темпото во овој период. Но дури и тие се соочија со проблеми со дел од прозиводителите и со обезбедување на потребните количини. Она што е добро дека барем здравствените работници кои се на првата линија на фронтот успеја благодарејќи на оваа донација да обезбедат дополнителна заштита. Добро е што Министерството за здравство и групата за имунизација направиле добар план. Ние го дискутиравме на Влада. Армијата е во втората фаза на вакцинирањето заедно со полицијата. Мислам дека приоритетите коишто ги поставивме се објективни и нудат шанса тогаш кога ќе ги имаме овие колични на вакцини, работите да течат побрзо, рече министерката Радмила Шекеринска.

Европа е решена да се ослободи од меката моќ на Москва (енергенсите), а и на дипломатско поле сака да и стави до знаење дека и за неа ќе има „црвени линии“. 

повеќе

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе

После десетици години се решава холдингот, неданочните давачки и царинските тарифи значајни за бизнисот.

повеќе