Шекеринска очекува Пендаровски да ги поништи указите од Иванов за поставувањата во АРМ

Вицепремиерката и министерка за одбрана Радмила Шекеринска смета дека указите на претседателот во заминување Ѓорге Иванов за унапредувањата и поставувањата во Армијата се незаконски и не само што треба да бидат поништени, туку и оти парите од зголемените плати треба да се вратат, иако, „многу побитна е пораката на Комисијата дека законот важи за сите”.

„Мислам дека многу поважна беше политичката порака дека законот важи и за секој претседател, како што важи за премиер, за секој министер… Претседателот во заминување Иванов очигледно сакаше да покаже дека за него ништо не важи и затоа според официјалниот допис од Антикорупциска против него се покренува прекршочна постапка”, рече денеска Шекеринска одговарајќи на новинарско прашање во изјава пред Владата и додаде дека очекува потребните документи да бидат доставени до ДКСК в понеделник.

Таа смета дека новоизбраниот претседател Стево Пендаровски има ингеренции да постапува во врска со овој случај и очекува тој тоа да го направи.

„Дефинитивно, сегашниот претседател ги има сите ингеренции што има еден претседателот во полн капацитет, особено во делот на поставувањата тоа ќе биде одлука која ќе ја носи Пендаровски”, рече таа.

 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе