Шекеринска на средби во Стејт Департментот и во Пентагон: САД сакаат Северна Македонија што поскоро да почне преговори со ЕУ

Местото на Западен Балкан е во ЕУ, а новата американска администрација сака што поскоро да ја види Република Северна Македонија во преговарачкиот процес со Унијата, е заклучокот од средбата на министерката за одбрана, Радмила Шекеринска со новиот американски пратеник за Западен Балкан, Габриел Ескобар во Стејт департментот. 

Шекеринска, како што соопштија од Министерството за одбрана, имала средба и со првиот човек на Бирото за политички и одбранбени прашања Тимоти Алан Бејтс, на која била реафирмирана американската позиција за стабилен и просперитетен регион и решавање на прашањата кои ги попречуваат мирот и стабилноста.

„Нашата држава како членка на НАТО ја прифаќа одговорноста да придонесува во безбедноста на Балканот и учествува во повеќе регионални иницијативи како и во мисијата КФОР во Косово“, изјавила Шекеринска.

Таа вчера имаше средби и во Пентагон, каде што разговараше со Хајди Грант, директорка на Агенцијата за безбедносно-одбранбено соработка за тековните проекти за модернизација на Армијата.

Министерката во Вашингтон го посети и Националниот меморијален центар Арлингтон каде што положи цвеќе на Гробот на незнајниот војник.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе