Шаленберг: Руските интереси не се протегаат само на Украина, туку и на земјите од Западен Балкан

Александер Шаленберг, aвстрискиот министер за надворешни работи во Софија изјави дека Виена се надева дека преговорите со Албанија и Република Македонија за нивното европско членство ќе започнат во јуни.

Шаленберг додаде дека не треба да се дозволи „поинаков начин на живот" во регионот на Западен Балкан.

„Руските интереси не се протегаат само на Украина, туку и на земјите од Западен Балкан,“ предупреди тој во Софија.

Шаленберг имаше средба во Софија со бугарската министерка за надворешни работи Теодора Генчовска на која станало збор и за геополитичката ситуација по руската инвазија.

На прес-конференција Генчовска нагласи дека постои постојана поддршка на Бугарија за европскиот пат на земјите од Западен Балкан.

„Бугарија направи значителни напори за промовирање на позитивна клима во билатералните односи со Република Северна Македонија, вклучително и преку иницирање формати за засилен развој на секторски политики. Ќе продолжиме да работиме на градење на вистински добрососедски односи со Република Северна Македонија. Сепак, тие се можни само со заеднички напори. Од Скопје очекуваме конкретни акции и гаранции за трајно и неповратно спроведување на Договорот од 2017 година како и гарантирање на правата на граѓаните на Република Северна Македонија со бугарска самосвест,“ изјави таа.

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе