На седница на централниот одбор

Денеска СДСМ решава кого ќе го стигне „метлата“

Во седиштето на Бихаќка денеска попладне се очекува седница на центарлниот одбор на СДСМ на која треба да стане збор за кадровските промени во партиските редови, но и во извршната власт што ги најави премиерот и лидер на партијата Зоран Заев меѓу двата круга од претседателските избори.

Еден од првите потези на Заев во рамките на т.н. операција „Метла“ беше смената на претседателите на 78 општински организации на СДСМ, а за почетокот на јуни најави дека ќе следуваат смените во општествениот сектор, односно во јавните претпријатија, министерствата, Владата и сите владини институции.

Во врска со најавените промени во извршната власт, Заев на почетокот од оваа недела на „Илинденска" бр.2, имаше средба со коалицискиот партнер – лидерот на ДУИ Али Ахмети, на која е договорено да се спроведат прво консултации во двете политички партии, а за следната недела најави нивна нова средба.

„Целта на овие иницијативи е обезбедување кадровски решенија за зајакнување на капацитетите на институциите, во насока на исполнување подобри резултати на економски план и исполнување на очекувањата на граѓаните“, соопштија од Владата.

Лидерот на ДУИ, Али Ахмети, во изјава за медиуми рече дека остануваат на барањето за проверка на пратениците и функционерите што вршат јавна дејност и дека барал совети за примена на „ветингот“, т.е. проверката, со што ќе се спречат нападите кон функционерите и ширењето лажни вести.

Според пратеникот од ДУИ Артан Груби, проверката што ДУИ ја предлага нема врска со „метлата“ на Заев. Партијата планира да има двојна проверка, една партиска, со која ќе се проверуваат кандидатите за членство во ДУИ, и една институционална.

„Било да е пратеник, министер, директор или кој било треба да биде проверен пред да се именува. Да се гарантира дека човекот кој ќе го изгласаме во Собранието е кристално чиста личност без дамка во кариерат“, изјави Груби.

Во коментар на неговата изјава Заев  рече дека сите коалициски партнери имаат право да даваат свои коментари, но и да знаат што ќе се случи со реконструкцијата на Владата.

„Јас сум мандатар, тие можат да гласаат во Парламентот или не кога ќе ги дадам предлозите за промени во Парламентот. Артан Груби е пратеник во Парламентот. Тој и неговата пратеничка група од ДУИ ќе се изјаснат за решенијата. Затоа имав средба со лидерот на нивната политичка партија, ДУИ , за да знаат  навремено кои чекори ќе ги преземам, согласно тоа да си донесат одлуки, да се разговара во партијата и сл“, рече Заев, одбивајќи да лицитира со имиња.

На трибина по првиот круг од претседателските избори на 21-ви минатиот месец Заев обраќајќи им се на поддржувачите што останале дома и се незадоволни од власта најави дека ќе има „чистка“ на функционери на локално и на централно ниво, а актерот Драган Спасов – Дац му подари метла. Главни критериуми за „метлата", според Заев, ќе бидат ароганцијата, неисполнувањето на очекувањата, неагилниот однос и непотизмот. По неговата најава поголемиот дел од министрите  од СДСМ оценија дека ќе ја почитуваат одлуката ако бидат дел од смените во Владата, а дел од министрите од ДУИ изјавија дека работат според програмата, а за кадровските смени одлучува лидерот Ахмети.

Опозициската ВМРО-ДПМНЕ во неколку наврати упати критики до Заев за целиот процес со порака дека „метлата треба да почне од него“. 

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе