Комбинаторики

Само ако Зибери е премиер, Алијанса за Албанците би влегла во владата со ДУИ, вели Таравари

Ако Насер Зибер биде мандатар, Алијанса за Албанците би влегла во новата влада заедно со ДУИ. Во сите други комбинации тие се за ДУИ да оди во опозиција, изјави за Телма, Арбен Таравари од Алијанса за Албанците.

„Формирањето на влада е игра на бројки, нормално, ние сме кажале, ако мандатар е Насер Зибери, ние ќе го поддржиме. Ако не, сите други комбинации кадешто би се нашле со некого со одредени програмски точки и принципи на добро владеење, тука сме да помогнеме и доколку можеме да направиме 61 пратеник без ДУИ“, рече Таравари.

Претседателот на Алтернатива, Африм Гаши, пак, претходно во интервју за Канал 5 рече дека нема да бидат дел од влада во која е и ДУИ, но додаде дека не може да влезат во преговори без нивниот коалициски партнер Алијанса за Албанците.

Според Гаши, за нив е важно формирањето на Владата да биде засновано на легитимитет, а поради исходот од изборите, им дозволиле на ДУИ да преговараат за Влада. Тој смета дека ДУИ нема да отстапи од своето барање за премиер на државата да биде Албанец.

„На изборите, во албанскиот дел зборувам, имаше два концепти. Првиот беше за премиер Албанец, а вториот беше – држава за сите. Ние направивме програма, излеговме пред граѓаните со нашата понуда. Ние тогаш кажавме дека тоа е маркетиншки трик и дека тоа е неизводливо сега во моментов и не само што не е изводливо, туку и не е некој голем интерес на Албанците“, рече Гаши и додаде дека очекува понуда за бидат дел од Владата доколку ДУИ не успее со премиерот Албанец.

Нивото на Советот на Центар никако да порасне и да покаже демократски капацитети и зрелост очекувана од граѓаните

повеќе

Historia magistra vitae est (Историјата е учителка на животот). Оваа латинска изрека ќе ги објаснува односите меѓу народите и нациите додека постои светот.

повеќе

Добро е, во прво време, г. премиер, да го поттикнете Вашиот министер за култура да најде погодна форма да се преобјави книгата „По повод најновиот напад на нашиот јазик“ од Конески, пишува професорот Атанас Вангелов во отворено писмо до премиерот Зоран Заев.

повеќе