Атина

Самарас: Знаете што значи за иднината на хеленизмот ние да им признаеме на скопјаните нација, идентитет и јазик?

Во политиката и во националните прашања нема место за „ненадејна нетрпеливост" и брзање да се затвори еден проблем, кој ако се третира на погрешен начин, може да создаде полоши проблеми за следните генерации, вели за Договорот од Преспа поранешниот грчки премиер од редовите на Нова демократија, Андонис Самарас во интервјуто за грчкиот весник „Параполитика", јави дописничката на МИА од Атина.

„Знаете што значи за иднината на хеленизмот ние да им  признаеме на скопјаните нација, идентитет и јазик „на Македонците“? Знаете колку други народи оставија да поминат децении и никогаш не ставија нивен потпис на таква хипотека на нивното национално постоење. Да ве потсетам дека за 45 години Западна Германија никогаш не ја призна Источна Германија. Иако ја имаа признато други земји – сојузници и противници. Мислите дека сите претходни премиери на Грција, од Константинос Караманлис и Андреас Папандреу, па до мене, направивме грешка што никогаш не го признавме скопскиот иредентизам? Мапите, што сѐ уште се закачени во нивните училишта со „Голема Македонија”, која ја вклучува и пола Грција, ги имате видено? А оној што ги видел, дали спие мирно“, вели Самарас.

Новинарот коментира дека поддржувачите на решението, Американците и Европејците, сметаат дека решението придонесува во насока на стабилноста во поширокиот регион на Балканот, на што Андонис Самарас му одговара дека понекогаш има ситуации кога не треба да има согласување со позициите на сојузниците.

„Тука прават грешка. И не е првпат. Не само на Балканот. Сакате да се потсетиме на почетните нивни анализи за т.н. „Арапска пролет“? И колку ги чинеше и нив самите и целиот регион? Сега, секако ја признаа таа нивна грешка. Со твоите сојузници понекогаш ќе се најдеш во ситуација да не се согласуваш. Но, овде, станува збор за наше важно национално прашање во кое тие, можеби имаат простор да направат грешка, но ние не“, коментира поранешниот грчки премиер, а на прашањето што тој би направил доколку САД и Европејците би му доставиле ултиматум. „Јас никогаш не добив ултиматум, бидејќи ултиматумите се за оние за кои знаат дека се подготвени да отстапат“.

Во однос на тоа колку тој смета дека е веројатно сценариото коалицискиот партнер во грчката Влада, Панос Каменос да ја турне Владата на Ципрас по повод гласањето на Договорот од Преспа, Самарас кусо вели дека тоа не е „воопшто можно“.

Планот за чист воздух од само 1,5 милиони евра издвоени од буџетот и за граѓаните и за еколошките активисти е несериозен.

повеќе

Во битката за фотелја во ФФМ секогаш решавачка била „техниката" на добивање гласови од делегатите со поткуп, ветувања, партиски и притисоци на локалните моќници... 

повеќе

Како може да се надминат исклучивите и националистички толкувања на минатото: што работат комисиите?

повеќе