Во телефонски разговор

Саливан до Заев: Со нетрпение чекам на Северна Македонија да и посакам добредојде во НАТО

Премиерот Зоран Заев денеска телефонски разговарал со американскиот заменик државен секретар Џон Саливан и се заблагодарил за силната поддршка од САД за време на целиот процес на спроведување на Договорот од Преспа.

Заев, како што соопшти владината прес служба, го запознал Саливан со активностите на Владата на Република Северна Македонија во врска со спроведувањето на обврските од Договорот со Грција.

„Двајцата соговорници за време на телефонскиот разговор се согласија дека успешниот епилог на Договорот од Преспа, како и постапката на ратификацијата на Протоколот за пристапување на Република Северна Македонија во НАТО, е од исклучително значење за двете земји, но и за регионот”, се наведува во соопштението.

Заев уште истакнал дека Република Северна Македонија останува на својот долгорочен и стратешки интерес за дополнително развивање и проширување на односите меѓу двете земји, особено во делот на економските релации.

Заев и Саливан го споделиле заемниот интерес и определба двете земји да останат посветени на прашањата за мирот и стабилноста на земјата и на регионот. Саливан, пак, ја изразил неговата постојана поддршка за Преспанскиот договор и истакнал дека со нетрпение чека да и посака добредојде на Северна Македонија како 30-та членка на НАТО.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе