На владина седница

Садула Дураки стана вицепремиер

Министерот за политички систем и односи меѓу заедниците, Садула Дураки на денешната владина седница е назначен за заменик на премиерот на Република Северна Македонија, информира владината прес служба. 

Дураки, според вицепремиерската функција им се придружи на Кочо Анѓушев, Радмила Шекеринска, Бујар Османи и Оливер Спасовски. 

Дураки, со последната реконструкција на владата од Министерството за животна средина и просторно планирање беше префрлен во новото Министерство за политички систем и односи меѓу заедниците. Во оставката што ја поднесе кај премиерот Зоран Заев напиша дека додека ја извршувал функцијата во Министерството за животна средина се соочил со најголемите предизвици за зачувување и унапредување на животната средина. 

„Според сегашната состојба, некои од тие предизвици успешно ги надминавме. Јас и мојот тим во изминатиот период макотрпно работевме и го вложивме целото наше знаење и способност во решавање на проблемите, но некои проблеми бараат долгорочен и системски пристап”, напиша Дураки.

Тој смета дека некои проекти спроведени за време на неговото раководење ќе остават траен позитивен белег во зачувување и унапредување на животната средина но, за жал, „во некои области од животната средина сѐ уште сме немоќни да направиме подобрување или одржување“.

 

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе