Рано е да се каже, но човечки фактор или техничка неисправност на возилото се можни причини за несреќата, вели Јовески

Во моментов не може да се каже која е причината за несреќата, но можни се два фактори, човечкиот фактор или, пак, техничката неисправност на возилото, изјави јавниот обвинител на Македонија, Љубомир Јовески пред болницата „Пирогов” во Софија, каде се сместени седумтемина преживеани патници од денешната автобуската несреќа.

„За причините во овој момент не може да се каже. Сите прашања се отворени. Впрочем затоа се води и истрагата. Нашите колеги јавни обвинители од Република Бугарија со кои имаме одлична соработка ги фиксираат сите траги, прибираат податоци и во овој момент не може воопшто ништо да се каже која е причината за незгодата”, рече Јовески и додаде дека станува збор за пообемни вештачења.

Тој додаде дека обдукцијата на телата ќе се врши во Бугарија, додека биолошките траги на роднините на починатите ќе се земаат во Институтот за судска медицина во Скопје и веднаш ќе се достават во Бугарија.

„Телата во моментов се извлекуваат од автобусот, ќе треба да се земат биолошки траги од роднините и очекуваме тој процес многу брзо да заврши”, изјави Јовески.

Според него, не станува збор за паралелна истрага. 

„Со Обвинителството на Бугарија имаме развиено добри колегијални односи. Станува збор да се забрза оваа постапка, да видиме кои документи им се потребни од нашата држава за да може што поскоро да се утврдат сите факти за оваа трагедија”, додаде тој. 

На прашање дали се сретнале со сопственикот на агенцијата, Јовески рече дека се сретнале, но дека не разговарале. 

„Ние се сретнавме само таму, но немаше причина да разговараме. Ниту можеме да разговараме, тој во постапката ќе треба да даде соодветна изјава”, додаде Јовески.

Во Софија со Јовески е и шефицата на Обвинителството за гонење организиран криминал и корупција Вилма Русковска, која кажа дека увидот се уште трае и оти не може да кажа подетални информации, а според првичните информации нешто што разбравме е дека има удрено во банкина.

Јовески рече дека е уверен оти бугарските лекари и медицинските лица преземаат се што е неопходно за повредените патници и притоа изрази сочувство до семејствата на настраданите за оваа голема трагедија во која загинаа и 12 деца.  

Автобусот со македонска регистрација влегол во Бугарија од Турција преку граничниот премин „Капитан Андреево” нешто по 21 часот, а несреќата се случила околу 2 часот по македонско време на магистралниот пат „Струма” на потегот Софија – Благоевград.

Според последните информации, во автобусот имало 53 лица, од кои 46 го загубиле животот, а седуммина повредени се пренесени во болницата во Софија.

После речиси две години очигледно е дека менталното здравје на вработените е исто важно како и нивното физичко здравје. Сега повеќе од било кога, неопходен е силно развиен систем за управување со човечки ресурси.

повеќе

Јазикот е многу повеќе од структура на една реченица или граматика, јазикот е нашата историја, нашите обичаи и нашето наследство...

повеќе

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе