Реакција на албанскиот премиер

Рама: Дали да плачеш или да се смееш за хистеријата на некои кон Ковачевски

„За смеење и плачење е хистеријата на некои во Скопје кон премиерот Ковачевски, по објавувањето на видеото од ракувањето со канцеларот Шолц во Солун, каде ја иронизирав грдата блокада на Македонија од Бугарија! Кафеанска кавга среде чадот од ќофтиња“, напиша на Твитер албанскиот премиер Еди Рама.

Реакцијата на Рама е насочена кон партиите, политичарите и поединците кои побараа оставка од премиерот Димитар Ковачевски кои сметаат дека по досетката на Рама во Солун „иден премиер на западна Бугарија“, Ковачевски требало да реагира, а не да се смее.

Вчера од кабинетот на Рама за ТВ 21 изјавија дека досетката на Рама претставувала сарказам за Бугарија и иронија за ЕУ.

Рама во Солун направи недипломтски досетка во неформалната атмосфера пред вечерата што за учесниците на Самитот на Процесот за соработка во Југоисточна Европа ја приреди домаќинот, грчкиот премиер Киријакос Мицотакис.

Мицотакис на германскиот канцелар му ги претстави премиерите на Албанија и на Македонија:; „Премиерот на Албанија и премиерот на Северна Македонија“,

На тоа Рама, видно расположен со чашка во раката додаде; „Иден премиер на западна Бугарија“, што беше проследено со смеење на присутните, меѓу кои и од Ковачевски.

Рама инаку е познат по својата духовитост, неформално однесување и облекување и често предизвикува внимание на новинарите и снимателите.

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе

Иако е важно да бараме решенија за нашата заедничка историја и да се обидеме да ги разликуваме фактите од пропагандата, зарем не е исто така важно да научиме да живееме заедно и покрај нашите различни и силно политизирани гледишта?

повеќе

Нашето општество е социјално неправедно, а социјалната неправда е, и ќе биде погубна.

повеќе