Албанскиот премиер преку Твитер

Рама: Бугарија ја киднапира ЕУ, Брисел ќе ни рече извинете, не!

Не! Извинете! Се чини тоа ќе го слушнеме од Брисел. Ова е пораката на албанскиот премиер Еди Рама упатена преку Твитер во која тој уште нагласи дека целата Eвропска Унија е киднапирана од Бугарија.

Пораката премиерот Еди Рама ја објави по видео-конференциската врска што ја имал со премиерите на Македонија и Србија Димитар Ковачевски и Александар Вучиќ, на која, како што е веќе соопштено, се разговарало дали утре тројцата премиери да одат или да не одат во Брисел на Самитот за проширување на ЕУ. 

„Денеска со лидерите на Србија и на Северна Македонија пошироко разговаравме за претстојниот Самит на ЕУ. Се чини дека уште едно 'Не, извини!' ќе биде она што ќе го слушнеме на крајот! Целата Унија е киднапирана од Бугарија и тоа не е добар спектакл за гледање! Што да се прави таму“?!

Инаку, Рама денеска во Тирана имал средба со финската премиерка Сана Марин, која вчера беше во Скопје. И неа ѝ кажал дека нема очекувања од ЕУ.

„Јас ѝ реков на премиерката дека не очекувам ништо ново на овој Совет, но земјите на ЕУ до крај, вклучително и Финска, се обидуваат со Бугарија да го отворат патот на разумот и да го ослободат процесот. Заради тоа сме благодарни“, кусо изјавил Рама.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе