Радев ветува дека ќе ги активира сите европски механизми за да се стави крај на антибугарската омраза во Македонија

Бугарскиот претседател Румен Радев, по предлогот од вчерашната седница на Советот за безбедност на Македонија на бугарски државјани да им биде забранет влез во државава, изјави дека ќе се активираат сите европски механизми за да се стави крај, како што истакнува, на оваа антибугарска омраза и хистерија.

„Сега разбирате зошто толку се борев правата на македонските Бугари да бидат заштитени во Уставот на Македонија и тоа да биде задолжителен услов за почеток на преговори. Значи, Македонија  не ги ни почна преговорите. Таа сѐ уште не ја отворила вратата од просторијата каде што се водат овие преговори. Очекувам институциите на Македонија да докажат не само дека не се дел од антибугарската кампања, ова веќе не е доволно, но крајно време е да докажат дека активно се борат против оваа кампања. Во нашиот случај, бидете сигурни дека ќе се активираат сите европски механизми за да престане оваа антибугарска омраза и хистерија“, изјави Радев, во одговор на новинарско прашање.

Во фокусот на вчерашната седница на Советот за безбедност како што соопшти претседателот Стево Пендаровски, бил најновиот развој на настаните во односите со Бугарија, и е произлезен предлог до Владата да се забрани влез во земјава на еден европратеник и неколку други лица. Според претседателот Пендаровски, постојат сомневања дека дел од тие лица се поврзани со руската разунавачка служба.

Шефот на македонската држава рече дека се очекува на 4 февруари организирана група од Бугарија да пристигне во земјава на одбележување на годишнината од раѓањето на Гоце Делчев. Групата ќе има цел нарушување на безбедноста со цел дестабилизација на земјата и на односите со Бугарија. Претседателот најави дека ќе бидат преземени сите потребни безбедносни мерки од границата, сѐ до гробот на Гоце Делчев.

Владата денеска на седница, во врска со одбележувањето на 4 февруари, Денот на раѓањето на Гоце Делчев, го задолжи Министерството за внатрешни работи да ги преземе сите мерки за обезбедување на реализацијата на настанот, согласно препораките од надлежните служби соопштени на вчерашната седница на Советот за безбедност.

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе

Трагично е што воопшто треба да се бориме за зачувување на институција која отсекогаш била стожер на културниот живот во Македонија.

повеќе

Македонија нема рециклирачки капацитет за пластичната амбалажа, а со увозот на ѓубре како гориво во индустријата, станува и неофицијална депонија на ЕУ.

повеќе