Радев дели лекции: Не е фашист Михајлов, туку оние што убија илјадници луѓе во логори зашто се нарекувале Бугари

Бугарскиот претседател Румен Радев, во контекст на отворањето на Културниот клуб „Ванчо Михајлов“ во Битола, денеска пред новинарите во Софија објаснуваше што е фашизам, ама и дека Михајлов не бил фашист.  

Фото: ЕПА

„Ако зборуваме за фашизам, треба да биде јасно дека Иван Михајлов е човекот што го одби Хитлер да ја вовлече Македонија во братоубиствена војна со Бугарија. Не беше Иван Михајлов, туку други луѓе, кои по воспоставувањето на југословенската диктатура во Македонија испратија и убија десетици илјади во концентрациони логори само затоа што решиле да продолжат да се нарекуваат Бугари. Ете тоа е вистински фашизам“, изјавил Радев.

Пред новинарите тој уште порача дека е време антибугарската идеологија, која се ширела во Македонија и која, како што рече, ги труе нашите односи и го поткопува патот на земјата кон ЕУ, да стане минато.

„Обидот на политичарите во РС Македонија да градат идентитет врз основа на фалсификатите на Комунистичката интернационала, а не врз основа на историска вистина се против интересите на граѓаните на РС Македонија што навистина сакаат членство во ЕУ“, порача Радев.

Легенда под Главна слика

Фото: ЕПА

Минатата недела во јавноста се актуелизираше дискусијата за концептот на даночната реформа.

повеќе

Војната во Украина ја разоткри вистината за Русија, но и вистината за Европа. 

повеќе

Несанкционирањето на овој говор доведува до повторување, ширење и злоупотреба на овие аномалии како еден вид „нормализиран“ начин во политичката борба против поединци и групи со различни мислења.

повеќе