Бугарија бара гаранции при проширувањето на ЕУ

Радев: Да се врати дијалогот меѓу Софија и Скопје на сите нивоа

Бугарија бара гаранции при проширувањето на Европската унија со Република Северна Македонија, а сега најважната работа е да се врати дијалогот на сите нивоа меѓу Софија и Скопје, вели бугарскиот претседател, Румен Радев.

На заедничката прес-конференција со претседателот на Португалија, Марсело Де Соуза, Радев кажал дека португалското претседателство со ЕУ и лично претседателот Де Соуза можат да помогнат да се најде конструктивен пристап, јавува МИА од Софија.

„Тој пристап мора да се заснова на почитување на ставовите и проблемите на земјите за кои зборуваме и почитување на нивните позиции. Врз основа на овој пристап, гледам отворање перспектива за интензивно продолжување на дијалогот, за развој на соодветни патокази, соодветни документи и односи на сите структурни нивоа, што ќе ги дадат соодветните гаранции за нас, особено за да бидеме убедени дека процесот на проширување ќе биде ефикасен, стабилен и неповратен“, изјавил Радев.

Што се однесува до тоа дали Скопје ги исполнува условите, според него, постои цела листа на формални услови, а треба да се работи на тоа младите во двете земји да не се мразат едни со други.

„Кога ја формирав привремената влада, им поставив задачи на привремените министри за туризам, за образование и за надворешни работи, да размислуваат како да ги зближиме нашите млади луѓе. Наместо да плаќаме за мерки за одржување на туризмот во живот, државата треба да им даде пари на оние хотели, кои ќе обезбедат целосна поддршка за деца, ученици, како од Бугарија, така и на нашите пријатели од Република Северна Македонија“, рече Радев и додаде дека ја споделил идејата со македонскиот претседател Стево Пендаровски за време на нивната заедничка посета на Рим.

Тоа, како што додава, ќе ги отвори вратите на двете земји кон одржлива и стабилна иднина и ќе имаме пријателство не со документи и со декларации, туку вистинско пријателство и почит кон луѓето од двете страни на границата.

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе