Од 14 до 16 февруари

Работна посета на министерот Димитров на Бугарија

Министерот за надворешни работи,Никола Димитров, од 14 до 16 февруари ќе престојува во работна посета на Бугарија, каде е предвидено да оствари повеќе билатерални средби и тоа со претседателот на Бугарија, Румен Радев, претседателот на Владата, Бојко Борисов и министерката за надворешни работи, Екатерина Захариева.

Како што соопштија од Министерството за надворешни работи (МНР) во рамки на билатералната средба со министерката Захариева, која е закажана за 14 февруари, предвидено е Mинистрите да извршат размена на ратификациони документи на Договорот за пријателство, добрососедство и соработка, со што и практично ќе се заврши формалната постапка за стапување на Договорот во сила, по неговата ратификација во Собранието на Република Македонија, на 15 јануари и во Националното Собрание на Република Бугарија на 18 јанаури.

На покана на Високиот претставник на ЕУ за надворешни работи и безбедносна политика, Федерика Могерини и министерката за надворешни работи на Бугарија, Екатерина Захариева (во својство на земја претседавач со Советот на ЕУ), министерот Димитров, на 15 и 16 февруари ќе учествува и на Неформалниот состанок на Министрите за надворешни работи на земјите-членки на Европската унија и земјите-кандидати за членство во ЕУ: Македонија, Албанија, Црна Гора, Србија и Турција – GYMNICH. Дискусиите на состанокот ќе се фокусираат на соработката и партнерството во областа на безбедноста и одбраната, информираа од МНР.

На денешен ден, 18 февруари 2013 година, Собранието на РМ го избра Талат Џафери за министер за одбрана.

повеќе

Народот е тој што треба да кажува дали политичарите се умни, знаат, ќе одлучи или пак ќе бара нивна смена.

повеќе

„Бејоеремите" веќе многу долги години имале и имаат јазик којшто (Слушни! Слушни добро!) сите, освен нас, го нарекуваат „македонски".

повеќе