Министерот за надворешни работи за македонско - бугарската историска комисија

Работете исклучиво по ваше убедување, им вели Османи на историчарите

Најодговорно тврдам дека македонските историчари од мешовитата македонско-бугарско историска комисија не се под политички притисок. Јас сум тука да им помогнам за логистичките услови, но не сакам да навлегувам во нивните теми, за да не се создаде впечаток дека ние влијаеме врз нив, катеторично изјави денеска министерот за надворешни работи Бујар Османи и оцени дека ако се говори за притисок, тоа е притисок од јавноста.

Членови на македонскиот дел од Комисијата

„Дури ретко имам и комуникации со нив во последно време, само за да не го чувствуваат тоа како наше влијание. Сум им кажал: ги имате сите можни услови и предуслови за работа, работете по ваше убедување и по ваше размислување“, рече Османи на денешниот брифинг со новиарите.

Тој додаде дека е тука да им помогне во делот на логистичките услови.

„Тука сум да им помогнам да имаат место каде да се сретнат, ја користат обично салата во МНР. Им создадовме и секретеријат, луѓе кои самите ги предложија за да можат да им помогнат во анализите. Верувајте дека јас дознавам од медиумите што е тема на дневен ред на Комисијата, или за што се разговарало“, категоричен е Османи.