Прв ден од амандманската расправа за предлог-буџетот, дебатата продолжува во петок

Заврши првиот ден од амандманската расправа за предлог-буџетот за 2023 година во Комисијата за финансирање и буџет. Дебатата продолжува во петок.

Во попладневниот дел од расправата не беше прифатен амандманот поднесен од опозицијата за одложување на примената на прогресивното оданочување.

Заменик-министерот за финансии Филип Николоски посочи дека во предлог-концептот за даночни реформи, кој поминал низ јавна дебата, во ниту еден момент не станало збор за зголемување на даноците.

„Ниту данокот на личен доход ќе се зголеми, ниту данокот на добивка ќе се зголеми, ниту данокот на додадена вредност,“ подвлече Николоски.

Опозицијата преку амандман побара и намалување на акцизата за течни горива за 50 проценти. Според Игор Здравковски од ВМРО-ДПМНЕ, со прифаќањето на овој амандман ќе му се помогне на стопанството, особено на транспортните компании.

Во текот на денешниот ден не беше прифатен и амандманот од опозицијата со кои се бараше намалување на данок на додадена вредностод 18 на 5 проценти за производите за менструално здравје.

Амандманската расправа за предлог-буџетот трае седум дена по што тој треба да се најде на пленарна седница. 

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе