По петочната молитва

Протестниот марш за „Монструм“ се движи низ Чаир

Во 14 часот од паркот во населбата Чаир тргна протестниот марш кон Владата како израз на револт поради пресудите во судскиот предмет „Монструм“. Со мегафони, предводниците на протестот ги повикуваат граѓаните да им се приклучат. Планирано е протестен документ да биде доставен во Владата.

Со бројни транспаренти, протестниот марш се движи по главниот булевар низ населбата Чаир во правец на Битпазар, а според најавите протестот треба да заврши пред Владата.

По пат учесниците во протестниот марш извикуваат „Уа за правдата“ и „Илирида демократија“.

Во еден момент на булеварот беше раширено огромно албанско знаме.

Бедри Ајдари, роднина на еден од осудените лица во „Монструм“ ги повика граѓаните да го кренат гласот против, како што вели, неправдата во Македонија и драконските казни кои им се изрекуваат на Албанците не само во овој судски предмет, туку и во други, како што вели, монтирани судски процеси.

Планирано е тело на протестите Советот за протести во владата да достави протестен документ во кој се наведени повеќе случаи кои, според нив, укажуваат дека Албанците се онеправдани и под притисок од властите. Документ, велат, е доставен до Делегацијата на ЕУ и до амбасадата на САД во Скопје.

Последниот протест на истите учесници заврши со насилство и напади врз  полицијата која не им дозволи пристап кон судскиот комплекст и со полициски кордон маршот беше запрен пред крстосницата кај трговскиот центар „Мавровка“.

Десетина полицајци беа повредени, а потоа беа поднесени кривични пријави против неколкумина учесници кои ги започнаа насилните напади врз силите за безбедност.

 П.Џ.

ДУИ е дел од влада која, дел поради пандемијата, а дел поради непостоење на политичка волја за реформирање на системот и искоренување на корупцијата и организираниот криминал создаде назадоволство кај граѓаните.

повеќе

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе