Протестна нота од Софија до Скопје: На Деве Баир била запрена пратка од 920 бугарски книги

Бугарската амбасада упати протестна нота до македонското Министерство за надворешни работи поради тоа што, како што објави министерката Екатерина Захариева на својот Фејсбук профил, царинските службеници на Граничниот премин Деве Баир не му дозволиле на бугарски државјанин да внесе во Македонија бугарски книги.

Според Захариева, ова е скандалозен чин и за тоа ќе ги информира Европската комисија и амбасадите на членките на ЕУ во Скопје.

„Амбасадата на Бугарија во Скопје упати протестна нота до МНР на С Македонија за одлуката на царинските власти на ГП ‘Деве Баир’ за запирање на пратка од 920 бугарски книги за Бугарскиот културно-информативен центар во РСМ. Примероците од ‘Бугарски народни песни од браќата Миладинови’ беа пренесувани од бугарскиот државјанин Виктор Стојанов, кој на граничниот премин ‘Деве Баир’ го покажал договорот за донација со кој книгите ќе бидат доставени во нашиот културен центар“, пишува Захариева.

Таа уште додава дека и покрај тоа што бугарскиот конзул од Скопје дошол на Деве Баир цариниците тврделе дека била потребна дозвола од македонското Министерство за надворешни работи, во согласност со Министерството за култура.

Со нотата, како што објави Захариева на фејсбук, амбасадата бара објасување „зошто се наметнува посебно овластување за увоз на литература од земја членка на ЕУ, што никаде не е регулирано и апсурдно е да се случува во 2021 година во земја која тврди дека сака да влезе во ЕУ“.

Претходно бугарското МНР реагираше и на анализи на ИФИМЕС од Љубљана, посочувајќи дека овој Институт бил на списокот на советници на премиерот Зоран Заев. Бугарското МНР соопшти дека македонскиот в.д. амбасадор е повикан на разговор поради кампања што ја водел ИФИМЕС од Љубљана против бугарските власти.

 

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе