Продолжуваат разговорите за двотретинско мнозинство пред финалната фаза од уставните измени

Денеска продолжуваат разговорите на власта со претстваници од опозициската Беса од албанскиот блок за обезбедување двотретинско мнозинство за уставните измени. 

На денешниот состанок на работната група составена од претставник од Кабинетот на претседателот на Владата, како овластен предлагач на уставните амандмани и на уставниот закон и претставници од раководството и пратениците од Беса, треба да бидат разгледани детално предлозите и да се дефинираат конечните позиции.

Инаку, ова е втора средба со претставници на Беса по онаа во петокот на претседателот на опозициската партија, Билал Касами со премиерот Зоран Заев. Единствено лидерите на албанските опозициски партии Беса и Алијанса за Албанците поднесоа амандмани на уставните амандмани во предвидениот законски рок, а опозициската ВМРО-ДПМНЕ најави дека нема да учествува во измените.

Засега нема информации дали ќе има средба на Заев со претседателот на Алијанса за Албанците, Зијадин Села. Села најави дека денеска во Парламентот ќе има средба со шефот на Канцеларијата за врски на НАТО во земјава, на која се очекува тема да бидат токму Преспанскиот договор и уставните измени.

Премиерот Заев, пак изрази оптимизам дека сепак ќе успее да го обезбеди потребното мнозинство во македонското Собрание пред финалното гласање на уставните измени неопходни за имплементација на Договорот од Преспа. Сепак, вели, бројот на пратеници кои ќе ги поддржат амандманите ќе се знае на чинот на гласањето.

„Двете опозициски партии од албанскиот блок досега беа конструктивни во однос на процесот на уставни измени. Дел од нивните сугестии се вградени. Сите политички партии силно го поддржуваме процесот на евро и евроатланските интеграции, но со нив ќе разговараме и за оние работи за кои имаат резерви”, порача Заев. 

Клучни барања на Беса се да се прецизира дека државата не е моноетничка, како што имплицира делот „македонско државјанство“, како и во делот на дијаспората. Од Алијансата, пак, бараат албанскиот јазик и неговото писмо да се употребуваат на целата територија на државата, по зборовите „самостојна, суверена“ да се додаде „мултиетничка“, а зборовите „македонскиот народ“ да се заменат со „граѓани“, за да се истакне мултиетничкиот карактер на државата.

Третата и последна фаза од имплементацијата на Преспанскиот договор започнува утре кога е закажана седница на Собранието на Република Мкедонија за усвојување на уставните измени. За да помине текстот на амандманите на Уставот предложен од Владата треба да биде поддржан од најмалку две третини од пратениците во законодавниот дом или од 80 пратеници. Потоа топката се префла во Грција. Премиерот Заев верува во зборот  на неговиот грчки колега Ципрас, дека има парламентарно мнозинство за да се ратификува Договорот од Преспа.

Најголемиот предизвик на секоја земја е развојот и одржувањето на здрава популација.

повеќе

Албанија и Северна Македонија уште ќе чекаат, една година откако блокот рече дека имаат шанси за разговори за членство, вели Политико.

повеќе

Ништо не ме научи повеќе за моите родители, а и за мене, од храната што тие ја обожаваа откако избегаа од Босна.

повеќе