Порака од САД до Франција

Пристапниот процес на Македонија во ЕУ треба да го реши Европа, вели Ескобар

Заменик-помошникот на државниот секретар на САД за Западен Балкан, Габриел Ескобар, вели дека зборувал со Франција која од први јануари претседава со Европската Унија, за што е можно поскоро започнување на пристапните преговори на Северна Македонија со ЕУ.

„Веќе зборувавме со Франција. Ставивме јасно до знаење дека ние веруваме дека членството во ЕУ за сите држави од Западниот Балкан е од суштинско значење за сите нас. Веруваме дека тие се дел од Европа, веруваме дека како што ги исполнуваат условите со затворање на поглавјата треба да бидат сѐ повеќе интегрирани во ЕУ и мислиме дека тоа ќе биде решение за сите држави. Секоја држава што влегла во ЕУ станала подемократска, попросперитетна и постабилна“, изјавил Ескобар за Гласот на Америка на македонски.

Според него, пристапниот процес на Северна Македонија во ЕУ треба да го реши Европа. Сепак, додава тој, „ние силно ја поддржуваме кандидатурата на Северна Македонија за ЕУ, веруваме дека има завршено огромна работа, таа е веќе европска држава, културно и историски европска држава“.

„Оттаму, сакаме да видиме да го почне процесот што е можно побрзо“, рече Ескобар.

Тој додава дека верува оти ЕУ не ја разочарала Северна Македонија, бидејќи и натаму продолжува да ѝ помага.

„Верувам дека ќе постигнеме соодветен договор за многу кус временски период. Ќе работиме на тоа“, уверува тој.

Ескобар смета дека шест месеци, како што најави бугарскиот премиер Кирил Петков за решавање на спорот со Македонија, се доволни да се решат проблемите, иако нагласи дека постои фрустрација меѓу европските партнери оти процесот не се одвива брзо. Тој, исто така рече дека САД остануваат на позицијата дека Северна Македонија и Албанија не треба да се одвојуваат во процесот на пристапување во ЕУ.

„Нема промена во позицијата на САД. Веруваме дека двете држави ја завршија работата, двете држави се движат во вистинска насока, двете држави имаат европски фокус и ориентација, и сакаме да ги видиме да се движат заедно. Сакаме да видиме дека се движат заедно брзо“, вели Ескобар.

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе

(Насловот е на турски со причина, во превод, „писмо или револвер“.)

повеќе