СОБРАНИЕ

Пратениците денеска, без ВМРО-ДПМНЕ, ќе гласаат за разрешување на Зврлевски

Талат Џафери, претседателот на Собранието синоќа најави дека денеска ќе се гласа за предлогот на Владата за разрешување на јавниот обвинител Марко Зврлевски. Вчера попладнето пратениците на опозициската ВМРО-ДПМНЕ ја напуштија седницата повикувајќи се на писмото од Антикорупциската комисија во кое се вели дека во периодот пред избори не треба да се расправа за разрешувања и именувања на државни функционери.

По добивањето на мислењето од Антикорупциската комисија, пратеникот на ВМРО-ДПМНЕ Илија Димовски најави дека неговите колеги и пратениците од коалицијата За подобра Македонија ќе ја напуштат оваа точка од седницата и нема повеќе да учествуваат во постапката која според него е незаконска.

Расправата за разрешување на Зврлевски почна на 12 јули и досега се одржаа десетина продолженија на собраниската седница. На сите продолженија главно дискутираа пратениците на ВМРО-ДПМНЕ кои со реплики и контрареплики го одолговлекуваа гласањето за предлогот на Владата.

За Зврлевски да биде разрешен, потребно е 61 пратеник да гласаат „за“.

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе

Во САД и во многу европски земји, просечните плати стагнираат, и покрај тоа што многу од економиите закрепнаа од финансиската криза од 2008 година.

повеќе