Разговори меѓу премиерите на Македоннија и Србија

Позитивен момент на придвижување во односите меѓу МПЦ-ОА и СПЦ, оценија Ковачевски и Брнабиќ

Премиерите на Македонија и на Србија Димитар Ковачевски и Ана Брнабиќ на средбата во Владата размениле мислења и за прашањето на односите меѓу Македонската и Српската православна црква. „Како позитивен беше оценет моментот на придвижување на односите меѓу МПЦ-ОА и СПЦ со цел за надминување на меѓусебните прашања“, е наведено во официјалното соопштение од средбата. Ковачевски и Брнабиќ ги потврдиле долгогодишните и традиционално добри билатерални односи, потврдени и со помошта за време на пандемијата, како и со одлуките за житото и зејтинот.

„Претседателот на Владата Ковачевски истакна дека унапредувањето на односите меѓу двете земји продолжува во насока на продлабочување на односите со посебен акцент на економската соработка.

Од посебно значење, беше речено на средбата, беше помошта и поддршката од Република Србија за време на ковид-19 кризата кога оваа земја го помогна справувањето со пандемијата со вакцини и друга медицинска помош.

Ковачевски на средбата со премиерката на Република Србија се заблагодари за отстранувањето на забраната за извоз на житни производи и масло за јадење со што покажа разбирање и солидарност како дел од својата определба за соработка во регионот“, се наведува во соопштението.

За содржината на разговорите се нагласува дека претседателите на владите на двете земји ја потенцирале комуникацијата и партнерството на највисоко ниво во рамките на Иницијативата Отворен Балкан како дополнителен импулс за регионална соработка, добрососедство и имплементација на европските вредности во нашиот регион.

Во соопштението понатаму се наведува:

„Ковачевски и Брнабиќ оценија дека иницијативата треба да продолжи да функционира како платформа за регионална соработка на сите нивоа, притоа потенцирајќи дека е отворена поканата на претстојниот Самит на Отворен Балкан во Охрид да земат учество и другите земји од регионот со што ќе се почувствува поголема придобивка за сите граѓани од Западен Балкан.

На средбата стана збор и за подготвеноста на двете страни за организирање на третата заедничка седница на двете Влади како позитивен поттик за натамошниот развој и интензивирање на односите и соработката, особено во економската соработка.

Србија е трет најголем трговски партнер на Северна Македонија и премиерите Ковачевски и Брнабиќ констатираа дека вкупна вредност на трговската размена од над 1 милијарда долари, која што забележа раст токму за време на пандемијата е јасен знак дека економската соработка треба да продолжи да се унапредува со континуирани Б2Б средби и бизнис форуми, како и со заедничко вмрежување за настап на трети пазари.

Како посебно значајни за поврзување на регионот беа оценети автопатните и железничките инфраструктурните проекти на Коридорите 10 и 8.

Во однос на евроинтеграцијата на регионот, претседателите на Владите, Ковачевски и Брнабиќ оценија дека сега е вистински момент Северна Македонија и Србија да ги започнат преговорите со ЕУ и дека тој чекор ќе биде позитивен сигнал за целиот регион од аспект на неговата геостратешка важност и стабилност“.

Во разговорите на делегациите учествувале и вицепремиерот Бојан Маричиќ и министерот за надворешни работи Бујар Османи.

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе

Концептот е насочен кон креирање на оптимален даночен систем, кој ќе го поддржи економскиот раст, а со тоа и животниот стандард на нашите граѓани.

 

повеќе