Попова: Шилегов новиот купувач на градската куќа ќе го почести гратис земјиште и нула комуналии

Зад продажбата на новата градска куќа од страна на Петре Шилегов се крие основан сомнеж за криминал, изјави на прес-конференција Ирена Попова – светник oд ВМРО-ДПМНЕ во Советот на Град Скопје. Таа рече дека градоначалникот новиот купувач на градската куќа ќе го почести гратис земјиште и нула износ на комуналии.

„Фрапантно е што Шилегов новиот купувач на градската куќа ќе го чести со гратис бесплатно земјиште и нула денари комуналии за градот Скопје. Имено, градската куќа беше планирана како објект каде ќе биде сместена градската администрација, и за таа цел Градот искористи државно земјиште, а градбата беше ослободена од комуналии. Сега Шилегов ќе го почести новиот купувач и газда со гратис бесплатно земјиште и комуналии", рече Попова.

Таа додаде дека продажбата ќе се одвива преку негативна електронска аукција што значи дека цената на продажбата може и да паѓа.

„Сумата која е инвестирана ќе биде повисока од цената по која ќе се продаде, а Скопје ќе бележи загуба. Објаснувањата на Шилегов дека сега се сетил дека градбата е нефункционална се излитен параван зад кои се крие сомнеж за криминални интереси. Ако било тоа така зошто овој градоначалник вложи и инвестираше 3 милиони евра за довршување на објектот. Значи Шилегов според неговите зборови дозволил инвестиција во објект кој за него е нефункционален и тоа изнесува 3 милиони евра", рече Попова.

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе