Вашингтон

Помпео: Ратификувањето на Протоколот за НАТО во Сенатот важен чекор за Северна Македонија

Американскиот државен секретар Мајк Помпео го поздрави ратификувањето на Протоколот за членство на Северна Македонија во НАТО.

Во неговата изјава, која денеска ја објави Стејт департментот, Помпео потенцира дека усвојувањето на пристапниот Протокол за влез на Северна Македонија во НАТО во Сенатот ја истакнува американската заложба кон трансатлантската безбедност и претставува важен чекор напред во напредокот на земјата кон членство во Алијансата, јави Гласот на Америка.

„Силно ја поддржуваме определбата на Северна Македонија кон поблиска интеграција со трансатлантската заедница. Вчерашното гласање ја реафирмира постојаната определба на Северна Македонија кон демократските принципи и владеењето на правото и нејзиниот придонес кон мирот и безбедноста во регионот. Ја очекуваме наскоро Македонија како 30-та членка на НАТО“, се вели во изјавата на Помпео.

Американскиот Сенат вчера со 91 глас „за“ и два против ја усвои Резолуцијата за ратификација на Протоколот за членство на Северна Македонија во НАТО.

САД се 25-тата членка на НАТО од вкупно 29, што го ратификува Протоколот за пристапување на земјава во Северноатлантската алијанса.

Лустрацијата беше непотребна и смешна фарса, неуспешна пресметка и понижување на политичките неистомисленици. За ветингот да успее, треба да ги опфати сите.

повеќе

Законски да се регулира дека за амбасадорските места ќе има интерен (во МНР) оглас и кандидирање на заинтересираните.

повеќе

Кодификацијата на бугарскиот јазик се случила цели шест месеци и 25 дена покасно од кодификацијата на македонскиот јазик.

повеќе