Мизрахи се сретна со директорот на кацеларијата на Светска банка Мантованели

Подобрување на социјалните услуги и детската заштита, како и зголемување на пристапот до квалитетни социјални услуги

Мизрахи го информирала Мантованели дека нејзин приоритет е да продуцира процеси коишто носат до подобри услови за живот и благосостојба на граѓаните.

Подобрувањето на социјалните услуги и детската заштита, како и зголемување на пристапот до квалитетни социјални услуги се темите на кои се разговараше на денешната средба на министерката за труд и социјална политика Рашела Мизрахи со директорот на кацеларијата на Светска банка, Марко Мантованели.

На средбата Мизрахи го информирала Мантованели дека нејзин приоритет како министерка за труд и социјална политика е да продуцира процеси коишто носат до подобри услови за живот и благосостојба на граѓаните.

Таа смета дека намалувањето на сиромаштијата, детектирањето на социјалните ризици и проблеми, како и поддршката на социјално-ранливите категории е возможна само преку напорна работа, преку постојана будност и следење на социјалните текови во државата и согласно со тоа прилагодување на социјалните политики кон нив.

Директорот на кацеларијата на Светска банка Марко Мантованели истакнал дека Светска банка е подготвена да продолжи со силна поддршка на сите започнати процеси во сферата на социјалната заштита, бидејќи системот на социјална заштита е тој којшто треба да им обезбеди на најранливите можност да излезат од сиромаштијата и да станат продуктивни членови на општеството.

„Тековната Стратегија на Светска банка за соработка со земјата, како и проектите кои се реализираат во областа на социјалната и детската заштита ќе придонесат во постигнување на горе наведените цели“, соопштуваат од прес-службата на МТСП.

Двајцата соговорници изразиле подготвеност за заедничка соработка во интерес на граѓаните и општеството како целина и со цел унапредување на правата и заштитата на сите категории на граѓани.

Време е за коренити промени на економскиот систем во Хрватска.

повеќе

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе