Во Пентагон

Петровска – Кал: Потребна е брза интеграција на регионот кон евроатлантските структури

„Нашата Армија со секој изминат ден станува посилна, посовремена и поподготвена за заштита на колективната безбедност“, рече Петровска во Пентагон.

„Заедно со нашите сојузници во НАТО стоиме цврсто на позициите за превенирање на безбедносните кризи кои ги загрозуваат мирот, стабилноста и просперитетот во светот. Ги следиме и се спротивставуваме на операциите што целат да предизвикаат безбедносна криза што ќе влијае на стабилноста и просперитетот и да создадат дилема околу стратегиската улога на НАТО и ЕУ во нашиот регион. Со нашето заедничко учество во мисиите на НАТО и со поддршката на другите активности на Алијансата, заедно се справуваме со геополитичките предизвици и даваме придонес кон намалување на потенцијалните ризици и закани кон евроатлантската заедница“, рече министерката за одбрана, Славјанка Петровска, на средбата со заменик-помошникот секретар за одбрана за меѓународни безбедносни работи, Колин Кал, пренесе МИА.

Новата безбедносна реалност, нагласи министерката на средбата, повикува на уште посилно сојузништво и брза и ефикасна интеграција на Западен Балкан во европските и евроатлантските структури.

Петровска, како што соопшти Министерството за одбрана, се осврна и на домашните задачи – растот на одбранбениот буџет, кој се реализира согласно со предвидената динамика, одвојувањето на една третина од тој буџет за модернизација и опремување, како и набавката на нова и софистицирана опрема, а особено лесните оклопни транспортери од американско производство.

„Првата испорака на шест нови лесни оклопни транспортери ја очекуваме кон средината на летото. Тие и останатите транспортери што се во процес на испорака ќе го сменат ликот на нашата Армија, која со секој изминат ден станува посилна, посовремена и поподготвена за заштита на колективната безбедност“, рече Петровска.

Додаде дека голем удел во овие позитивни поместувања во Армијата имаат и Соединетите Американски Држави, за што се заблагодари и изрази уверување дека интензивната соработка ќе продолжи и во иднина.

Потсекретарот за одбрана, Кал, порача дека САД отсекогаш ги поддржувале реформите во македонскиот одбранбен сектор и дека тоа ја покажува посветеноста како стратешки партнери, надградена со стратешкиот дијалог и посветеноста како сојузници во НАТО.

Министерката Петровска во текот на денот имаше повеќе средби во Пентагон и тоа со командантот на Бирото на националната гарда на САД, генералот Даниел Хокансон, со командантот на Националната гарда на Вермонт, генерал – мајорот Грегори Најт и со потсекретарот на Армијата на САД, Габриел Камарило.

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе

Нов фронт за работа на градежните фирми на веќе изградените згради (и куќи) треба да биде топлинската изолација.

повеќе

Во Македонија не постои никаква забрана за конверзиона терапија, а лиценцираните психолози што може да се јават како спроведувачи или наведувачи на ваква „терапија“, за жал, не сносат никакви последици.

повеќе