Пендаровски во Давос учествува на панелот за безбедноста во Европа

Претседателот Стево Пендаровски денеска во рамки на Годишниот состанок на Светскиот економски форум (СЕФ) во Давос, ќе учествува на панел сесијата „Одржувањето на безбедноста во Европа".

Покрај Пендаровски, на сесијата ќе се обратат и генералниот секретар на НАТО, Јенс Столтенберг, белгискиот премиер Александар де Кро, како и холандската министерка за одбрана Кајса Олонгрен.

Утре, шефот на државата ќе учествува на сесијата „Дијалог за дипломатија на Западен Балкан".

Како што соопшти неговиот Кабинет, во рамки на Форумот Пендраовски се очекува да има и повеќе билатерални средби.

Светскиот економски форум во Давос се одржува од 22 до 26 мај, а се очекува речиси 2.500 лидери од политиката, бизнисот, граѓанското општество и медиумите да дискутираат за глобалните прашања и најитните предизвици во светот, вклучувајќи ја тековната пандемија, војната во Украина, гео-економските шокови и климатските промени. 

Ние сме земја што први во Европа имаме стратегија за интеркултурализам.

повеќе

Францускиот предлог претставува директно рушење на основните темели на ЕУ.

повеќе

Од мали нозе ги заобиколуваме правилата на игра, па не е ни чудо што потоа се сопнуваме кога ќе истрчаме на терен.

повеќе