Пендаровски – Рикер: Усвојување на суштинските реформски закони преку конструктивен дијалог

Земјава вложи огромни напори за да ја надмине статус-кво состојбата од минатото и сега треба сите политички чинители заеднички да работат на европската иднина на државата, преку конструктивен политички дијалог за усвојување на суштинските реформски закони, рече претседателот Стево Пендаровски на денешната средба со в.д. помошникот-државен секретар на САД за Европа и Евроазија, Филип Рикер.

Пендаровски, како што соопшти неговиот Кабинет, изразил очекување дека до крајот на годината ќе биде завршено ратификувањето на Протоколот за членство во НАТО во сите земји-членки, меѓу кои и во САД, со што Македонија ќе стане 30-та членка на Алијансата.

„Нашето зачленување во Алијансата ќе претставува конкретна потврда на заложбите на САД за стабилна, сигурна и економски развиена Северна Македонија и одраз на волјата на мнозинството наши граѓани кои сакаат да ја видат Северна Македонија како членка на евроатлантските институции”, рече Пендаровски.

Земјата, според него, е силно посветена на зацрвстување на стратешкото партнерство со САД, со цел поттикнување уште подлабоки врски меѓу двете пријателски земји и нивните граѓани.

Пендаровски изразил благодарност за безрезервната поддршка и помош од САД, особено во остварувањето на нашите евро-атлантски аспирации.

„На тој пат, Северна Македонија ќе продолжи тесно да соработува со САД, како наш долгогодишен сојузник и поддржувач на реформите во областа на одбраната и безбедноста, владеењето на правото и независноста на судството, како и во областа на јавната администрација”, порача Пендаровски.

Како што се наведува во соопштението, Рикер му го честитал стапувањето на функцијата на Пендаровски, додавајќи дека САД ќе продолжат силно да ги поддржуваат демократските реформи во земјава, со цел нејзино целосно интегрирање во евро-атлантските организации. 

 

Овозможувањето континуитет на стопанството треба да биде на прво место во агендата на Владата, бидејќи закрепнувањето на економијата ќе дојде токму од приватниот сектор.

повеќе

Светот првично се соочи со кризата предизвикана од коронавирусот на некоординиран начин, при што огромен број држави едноставно ги игнорираа предупредувањата и настапуваа самостојно.

повеќе

Пандемијата на коронавирусот која го зафати целиот свет, не само што има огромно влијание врз јавното здравство, општеството и економијата како целина, туку предизвика пустош и во спортот.

повеќе