Кампања против родово насилство

Пендаровски: Пандемијата нѐ потсети дека домот не е најбезбедно место за многу жени и деца

Пандемијата не потсети дека домот не е најбезбедно место за многу жени и деца, жртви на семејно и родово базирано насилство, затоа што бројките покажуваат алармантен број на вакви случаи, и кај нас и во светот, вели претседателот Стево Пендаровски во пораката за кампањата „16 дена активизам против родово базирано насилство“ .

„Зголемените бројки се последниот сигнал дека ни е потребен зајакнат одговор од институциите и сеопфатна стратегија и поддршка на жртвите на насилство“, вели Пендаровски и порачува дека е нужно секој од нас да има нулта толеранција на сите форми на родово базирано насилство, во секоја сфера - во семејствата, во училиштата, во институциите, на работните места, на интернет, во медиумите, на јавните простори.

Со ратификувањето на Истанбулската конвенција и Акцискиот план за нејзино спроведување, како што вели, направен е значаен исчекор во подобрување на институционалните механизми за превенција и заштита од родово базираното насилство, но за подобри резултати потребни се буџетска поддршка, посветеност и соработка меѓу институциите и на национално и на локално ниво 

„Потребно е секој од нас да преземе одговорност. Секогаш кога сме сведоци на насилство врз жени и девојчиња или семејно насилство, наша должност, пред сѐ, како луѓе е да пријавиме и да им дадеме поддршка и помош на жртвите. Побарајте помош и пријавете насилство во полиција, во центрите за социјална работа, на СОС линиите, кај граѓанските организации, информирајте ги вашите блиски пријатели или роднини.

Ако сакаме општество на слободни и достоинствени граѓани, мора да им овозможиме на сите да имаат свое место во заедницата во која ќе се чувствуваат безбедни и сигурни.

Да се бориме против насилството врз жените и девојчињата и против сите форми на родово базирано насилство, секој ден, сите заедно“, вели Пендаровски во пораката.

Во знак на поддршка на кампањата, Кабинетот на Претседателот на Република Северна Македонија „Вила Водно“ е осветлен во портокалова боја.

 

 

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе