Пендаровски-Палмер: За земјите од Западен Балкан не постојат други алтернативи освен членство во ЕУ

Одбележување 25 години од воспоставувањето на билатералните односи меѓу САД и Република Северна Македонија следната година, како и очекуваното скорешно зачленување на нашата земја во НАТО ќе даде дополнителен импулс за натамошно зајакнување на стратешкото партнерство меѓу двете пријателски држави.

Ова денеска го истакнал претседателот Стево Пендаровски, кој оствари средба со специјалниот претставник на државниот секретар на Соединетите Американски Држави за Западен Балкан, Метју Палмер.

На средбата, како што соопшти Кабинетот на претседателот Пендаровски, беа разменети мислења за билатералните односи меѓу Република Северна Македонија и САД, како и за состојбите во регионот.

Претседателот Пендаровски се заблагодари за ратификацијата на Пристапниот протокол за членство на Северна Македонија во НАТО од страна на американскиот Сенат и изрази уверување дека ќе продолжи безрезервната поддршка на САД за остварување на стратешките цели на државава.

Пендаровски, како што се наведува во соопштението, ја истакна важноста на неодамнешната посета на државниот секретар на САД, Мајк Помпео на Северна Македонија, оценувајќи ја како потврда за стратешкото партнерство меѓу двете земји и заедничките заложби за стабилен и просперитетен регион.

На средбата претседателот Пендаровски истакна дека за земјите од Западен Балкан не постојат други алтернативи, освен членство во Европската Унија.

„Ратификацијата во Сенатот на САД и посетата на американскиот државен секретар Помпео се силен доказ за стратешкото партнерство и поддршката од САД за Северна Македонија. Недонесувањето на одлуката на Европскиот совет за почеток на преговори не ја менува нашата одлука – да работиме на остварувањето на нашите стратешки цели – членството во Европската Унија и НАТО“, рече министерката Шекеринска

 

Кога политичарите сватија за каква моќна алатка се работи, час поскоро побрзаа да менуваат закони со кои „бомбите" нема да бидат докази.

повеќе

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе